Mika 5 - Acoli Baibul

¹ Koni cel orumowa woko dyere, lukwor doŋ gurumowa woko; doŋ gitye ka goyo lem laloc me Icrael ki odoo. Loc pa lalar bia ki i Beterekem

² Ento in, Beterekem Eprata, in itidi pe iporre me bedo i kin kaka me Juda, dano ma bibedo laloc i Icrael bibmo pi an kun a ki i in: acakki me binone obedo con, iua i kare macon mada.

³ Pi meno en biwekogi ata nio ka kare biromo nio ka dako ma tye ka rem ki nywal doŋ onywal; lacen utmegine ducu ma gudoŋ gibidwogo bot jo Icrael.

⁴ En bicuŋ, dok bikwayo romine pi tek pa Rwot, ki i dit me nyilj Rwot Lubaŋane. Dok gibibedo ki kuc, pien koni en bibedo dit nio i agik me lobo.

⁵ Pien dano-nu bikelo kuc, i kare ma jo Aciria gibibino i lobowa, maginyono lobowa bene ki tyengi. Wabicwalo lukwat abiro ka lweny i komgi, kun rwodi aboro aye ma gibitelo wi lwak;

⁶ gibiloyo lobo me Aciria ki pala lucwan, ki lobo pa Nimulodi ki pala lucwan ma gitiŋo; gibilarowa ki i cin jo Aciria ka gubino i lobowa, ma tyengi onyono apokki me wan lobowa.

⁷ Lacen jo pa Yakobo ma gudoŋ gibibedo i dye rok mapol, macalo toyo ma oa ki bot Rwot, calo kot ma ŋido i kom lum, ma pe twero dikke pi dano, kadi wa kuro litino pa dano.

⁸ Jo pa Yakobo ma gudoŋ gibibedo i kin lurok, i dye rok mapol, macalo labwor ma i kin lee me buŋa, macalo latin labwor ma i kin romi ma gucokke; ka owok ki i kingi, ci nyonogi piny, dok kilogi woko, pe tye ŋat mo ma larogi.

⁹ Ciŋi bitiŋŋe malo i kom lukworri, lumoneni ducu ibityekogi woko.

¹⁰ I nino maca, abikwanyo aguragurawu woko ki botwu, dok abityeko gadigadi lweny mewu woko, man Rwot aye ma owaco.

¹¹ Abikwanyo gaŋiwu ducu ma i lobowu, dok abimuko cel mewu matek-gu ducu;

¹² abikwanyo tim jokjok woko ki i ciŋwu, pe dok wubibedo ki lutyet i kinwu;

¹³ abikwanyo cal apaya mewu ki wir jogi mewu ma tye i kinwu, pe dok wubimedde ki guno piny ka woro tic me ciŋwu;

¹⁴ abiputo yadi woko ducu ma wucomo pi woro jok ma dako ma gilwoŋo ni Acera, dok abibalo gaŋiwu ducu.

¹⁵ Doŋ i akemo ki kiniga aye abiculo kwedekwor i kom lurok ma yam pe guwinyo