Mika 3 - Acoli Baibul

Mika otito pi can ma bipoto i kom lutel wi Icrael

¹ Awacci, Wuwiny, wun ludito ma telo wi jo pa Yakobo ki wun luloc me ot pa Icrael! Pe ticwuaye me ŋeyo ŋolokop atir?

² Wun wuk wero ber ento wumaro rac, wupwaco del kom jona, dok wudano riŋo korugi ki ikom cogogi;

³ wun wucamo riŋo kom jona, kun bene wuyaŋo del komgi, dok wuŋido cogogi matitino, ka doŋ wuŋwekogi woko macalo riŋo ma tye i agulu, nyo macalo riŋo ma tye i cupuriya.

⁴ Lacen wubikok bot Rwot, ento en pe bigamo dogwu; i nino maca pe wubineno waŋe, pien timwu rac twatwal.

⁵ Man lok ma Rwot owaco i kom lunebi ma ginako jona, ma gidaŋŋe ni, “Kuc” i kare ma noŋo gitye ki ginacama, ento pud giero lweny i kom ŋat mo ma pe pitogi ki’ cam.

⁶ Meno omiyo Rwot owaco ni, Piny bibedo mutu, pe wubineno ginanyuta mo, dok piny bidoko col kun pe wunono lagam me gin ma wutyeto. Ceŋ bipoto i wiwu, wun lunebi, piny bicido woko botwu;

⁷ lewic bimako lunen piny, ki lutyet bene gibiketo lewic i wigi; gin ducu gibimiyo doggi woko, pien Lubaŋa pe bimiyo botgi lagammo.

⁸ Ento ki tuŋ buta, atye ki tek, ki Cwiny pa Rwot, dok ki ŋolo kop atir, ki teko, pi tito ki Yakobo tim aranyine, ki pi nyuto balle bot Icrael.

⁹ Wuwiny man, wun lutel wi jo pa Yakobo ki wun luloc me ot pa Icrael, ma wudag ŋolo kop atir kun wubalo te kop ducu ma tye atir,

¹⁰ ma wugeto Cion ki remo ki Jerucalem bene ki tim marac.

¹¹ Lutel wi jo Jerucalem giŋolo kop pi lim wil me muŋ, ajwagine gipwonyo pwony pi mucara, lunebi bene gityeto tyet pi lim; ento pud gijeŋŋe i kom Rwot kun giwacci,’’ “Rwot pe tye i kinwa? Rac mo pe bibino i komwa.”

¹² Pi meno, pi tim mewu, Cion gibipuro woko macalo poto; Jerucalem bidoko obur, ki got ma gigero ot pa Rwot i wiye bi