Lulevi 21 - Acoli Baibul

Ajwagi myero gubed jo maleŋ

¹ Rwot owaco bot Moses ni, “Lok ki ajwagi, awobe pa Aron, iwac botgi ni, ŋatti mo i kingi pe oballe odok keni pi gudo kom dano muto ma i kin lutugi,

² kono nyo watgi keken ma cok kwede, macalo minne, wonne, wode, nyare, ominne,

³ nyo laminne ma peya oneyo co, En pud cok kwede, pien peya tye ki cware; en twero balle pire doko keni.

⁴ Kadi bed en won gaŋ i kin lutugi, myero pe oballe odok keni, miyo bedo kipyeda.

⁵ Ajwagi pe gulyel wigi, pe gulyel teŋ yer t ikgi, pe guton komgi.

⁶ Gubed jo maleŋ pi Lubaŋagi, pe gupyed nyiŋ Lubaŋagi, pien gin aye gityero gityer ma giwaŋo ki mac bot Rwot, en cam pa Lubaijagi; pienno myero gubed jo maleŋ.

⁷ Pe gunyom dako ma lakwele, nyo ma doŋ tye ki meye, Gin pe gunyom dako ma cware oryemo pien ajwaka en dano maleŋ bot Lubaŋane.

⁸ Wubigwoke obed maleŋ pi ticce, pien en tyero cam pa Lubaŋawu; en bibedo maleŋ botwu, pien an a Rwot ma alonyowu wubed maleŋ, an bene aleŋ,

⁹ Ka nya pa ajwaka mo odoko lapyeda pi timo kwele, noŋo opyedo wonne; gibiwane woko ki mac.

¹⁰ “Ajwaka madit i kin omege, ma en aye gionyo moo wir i wiye, ma onoŋo gikwere wek oruk boŋŋi aruka me ticce, myero pe ogony yer wiye oket ata lijayi, pe oyec ginarukane;

¹¹ pe odony i ot ka ma kom dano muto tye iye, pe oballe odok keni, kadi bed pi wonne nyo minne.

¹² Pe okat woko nia ki i kabedo maleŋ, wek pe opyed kabedo maleŋ pa Lubaŋane, pien moo wir ma yam gikwere kwede bot Lubaŋane tye i kome; an a Rwot.

¹³ En myero onyom nyako ma peya oneyo co,

¹⁴ Pe onyom daa-to, nyo dako ma cware oryemo, nyo dako ma doŋ tye ki meye, nyo dako ma lakwele; en onyom anyira tugi ma peya oneyo co,

¹⁵ wek pe opyedde i kom litinone i kin lutugi; pien an a Rwot ma alonye obed maleŋ.”

¹⁶ Rwot owaco bot Moses ni

¹⁷ “Wac bot Aron ni, i kare pa likwayo wu ducu, lakwaru mo ma kome ki mwonyo pe onyik cok ka tyero cam pa Lubaŋane,

¹⁸ Pien dano ma ko me ki mwonyo pe binyiko cok bota, macalo dano ma latowan, nyo laŋolo, nyo ŋat ma waŋe ki poyo, nyo ma tyene nyo bade tuŋcel laŋabu,

¹⁹ nyo ŋat ma tyene otur, nyo ma bade otur,

²⁰ nyo dano ma kore oruŋŋe, nyo dano muran, nyo ma waŋe ocor, nyo ma twoyo gwenyo nyo nyac, nyo ma gidino mane.

²¹ Dano mo i kin likwayo pa ajwaka Aron ma kome ki mwonyo pe onyik cok ka tyero gityer ma giwaŋo ki mac bot Rwot; tekke kome ki mwonyo, pe binyiko cok ka tyero cam pa Lubaŋane,

²² En twero camo cam pa Lubaŋane, jami maleŋ makato, ki jami maleŋŋe;

²³ ento pe binyiko cok ki boŋo kicika, pe bibino cok ki keno tyer, pien kome ki mwonyo, wek pe opyed kabedona ducu maleŋ-ŋi, pien an a Rwot ma alonyogi gubed maleŋ.”

²⁴ Moses oloko kit meno bot Aron ki awo bene ki bot jo Icrael ducu.