Lulevi 17 - Acoli Baibul

Ka tyero gitum myero obed acel keken

¹ Rwot owaco bot Moses ni,

² “Wac bot Aron ki awobene ki bot jo Icrael ducu ni, Man aye gin ma Rwot ociko.

³ Ka dano mo me ot pa Icrael oneko twon nyo lat in romo nyo dyel ki i dye gony, nyo ka oneko woko ki i ne gony,

⁴ kun pe okelo i doggola kema me rwatte me tyerone obed mot pa Rwot i nyim kema pa Rwot, ci gibikwano alii me remo i wi dano meno, Pi oyo remo, waŋ dano meno birwenyo woko ki i kin lutugi.

⁵ Man giciko wek jo Icrael gukel gitumgi ma gibedo ka nekogi i dye bar; gikelgi bo! Rwot, bot ajwaka, i doggola kema me rwatte, ginekgi me bedo gityer lakwecwiny bot Rwot,

⁶ Ajwaka bikiro remone i wi keno tyer pa Rwot i doggola kema me rwatte, biwaŋo dwolo obed gin ma ŋwece kur me yomo cwiny Rwot.

⁷ Pe doŋ gibitumo gitumgi bot jogi ma calo nyogi oyima ma gitye ka worogi ki tim kwele kwele. Man bibedo cik botgi matwal wa i kare pa likwayogi ducu.

⁸ “Ci ibiwaco ki gin ni, Dano mo me ot pa Icrael, nyo ki i kin lubedo ma bedo i kingi, ma otyero gitum awaŋa, nyo gitum mo

⁹ ma pe okelo i doggola kema me rwatte pi tumo bot Rwot, dano meno waŋe birwenyo woko ki i kin lutugi.

Pe gicam remo

¹⁰ “Ka dano mo me ot pa Icrael, nyo ki i kin lubedo ma bedo i kingi, ocamo remo mo, abiketo waŋa i kom dano meno ma ocamo remo-ni, dok abimiyo waŋe rwenyo woko ki i kin lutugi,

¹¹ Pien kwo pa riŋo tye i Temo; an doŋ atyeko miyone botwu i wi keno tyer pi kwanyo bal ki i kom tipowu pien remo aye gin ma kwanyo bal, pi kwo ma tye iye-ni,

¹² En mumiyo awaco bot jo Icrael ni, Dano mo i kinwu pe ocam remo.

¹³ Dano mo bene ki i kin jo Icrael, nyo ki i kin lubedo ma bedo i kingi, ma omako lee nyo winyo mo ma gicamo, ka en owoto ka dwar, bionyo remone woko piny i ŋom, ci umo woko ki lobo.

¹⁴ “Pien kwo pa lee-gu ducu en aye remone; mumiyo awaco ki jo Icrael ni Pe wucam remo pa gin mo, pien kwo pa gin makwo ducu en remone; ŋat ma ocamo wane birwenyo woko.

¹⁵ Dok ka dano mo ocamo geŋ ma oto kene, nyo lee ma ŋuu omwodo, kadi anywalli me lobo, kadi labedo, bilwoko boŋŋine, lwoko kome ki pii, ci bedo keni nio wa otyeno, ka doŋ bedo ma olony.

¹⁶ Ento ka pe olwoko boŋŋine, nyo pe olwoko kome, ci bal bidok i wiye.”