Lulevi 13 - Acoli Baibul

Cik ma ma ko dobo

¹ Rwot owaco bot Moses ki Aron ni,

² “Ka dano mo del kome okwot, nyo orugo, nyo orobo, ci odoko two me dobo i del kome, ci myero gikele bot ajwaka Aron, nyo bot ŋat acel i kin awobene ma gin aye ajwagi.

³ Ajwaka biŋiyo two ma orobo i del kome-ni; ci ka yer ma i del kome ma orobo-ni odoko lwar matar, dok ka twone onen ni ogolle matut ma okato del kome, ci meno two dobo, Ka ajwaka doŋ oniyo kome, ci bituco ni, kome ki keni,

⁴ Ento ka del kome-ni orobo matar kun nen ni pe ogolle matut okato del, dok ka yer ma tye iye bene pe olokke odoko lwar, ci ajwaka bitweyo dano ma latwo-ni i ot pi nino abiro.

⁵ I nino me abirone ajwaka dok biŋiyo kome, ci ka onen bote ni two doŋ ocuŋ, pe onya omedde i del kome, ci ajwaka bimedo tweyo dano-nu i ot pi nino abiro mukene.

⁶ I nino me abirone ajwaka dok biŋiyo kome, ci ka two ma orobo kome-ni doŋ ojwik woko, dok two pe on ya omedde i del kome, ci ajwaka bituco ni kome pe ki keni; orugo aruga noŋo. Dano-nu myero olwok boŋŋine ci bibedo ma olony.

⁷ Ento ka ce kome ma orugo-ni onya omedde i delkome, ma doŋ onoŋo onyutte kene bot ajwaka pi lonnyene, ci en myero dok obin i nyim ajwaka,

⁸ Ajwaka biŋiyo, ci ka onoŋo ni kome ma orugo-ni doŋ onya omedde i del kome, ajwaka bituco ni kome ki keni, meno two dobo.

⁹ “Ka dano mo two dobo omako gibikele bot ajwaka.

¹⁰ Ajwaka biŋiyo, ci ka del kome mo tye ma okwot ma okwor matar, ma otyeko loko yer odoko lwar, dok bur odet manyen ka ma okwot-ti,

¹¹ meno noŋo two dobo ma yam ori i del kome. Ajwaka bituco ni kome ki keni; pe bitweyone i ot, pien kome ki keni.

¹² Ka dobo ocorre i del kome, ma two dobo oromo del kom dano ma latwo-ni, nia i wiye nio wa i tyene, ma ajwaka twero neno ducu,

¹³ ci ajwaka biŋiyo. Ka dobo oromo kome ducu, ci ajwaka bituco ni olony i kom two meno; noŋo kome ducu okwor matar, kome pe ki keni.

¹⁴ Ento ka bur odet ma nen i kome, ci kome bibedo ki keni,

¹⁵ Ajwaka biŋiyo bur mudet manyen-ni, ci bituco ni kome ki keni; bur mudet manyen bedo keni, meno two dobo.

¹⁶ Fnto ka ce bur mudet manyen-ni dok olokke odoko matar, ci bidwogo bot ajwaka.

¹⁷ Ajwaka biŋiyo kome, ci ka two odoko matar, ajwaka bituco ni latwo kome pe ki keni; en doŋ olonnye.

¹⁸ “Ka ŋatti i mo odeke okwot i del kome, ci ocaŋ obone woko,

¹⁹ ka ce lacen dok ojer okwot i waŋ odeke-nu ma okwor matar, nyo orobo matar kun bedo makwarkwar, ci myero ginyut bot ajwaka.

²⁰ Ajwaka biŋiyo, ci ka onen ni ogolle matut okato del kom, ki yer bene odoko lwar, ajwaka bituco ni kome ki keni: meno two dobo ma otyer i waŋ odeke.

²¹ Ento ka ajwaka oniyo, ci yer ma tye iye pe lwar, dok pe ogolle matut ma okato del kom, ento doŋ ojwik woko, ci ajwaka bitweyo dano-nu i ot pi nino abiro,

²² Ka onya omedde i del kome, ci ajwaka bituco ni kome ki keni, pien meno two.

²³ Ento ka ce waŋe ma orobo-ni ogik i kabedo acel ma pe on ya omedde, meno po yo waŋ odeke keken, ci ajwaka bituco ni kome pe ki keni.

²⁴ “Nyo ka dano mo mac owaŋo, opwaco del kome, ce bur odet manyen i waŋ ka ma opwac-ci, ci orobo matar kun obedo makwarkwar, nyo okwor matar,

²⁵ ci ajwaka biŋiyo, Ka yer ma i waŋe odoko lwar, dok onen ni ogolle matut, okato del kom, meno two dobo otyer i waŋ ka ma opwac-ci. Ajwaka bituco ni kome ki keni; meno two dobo.

²⁶ Ento ka ajwaka oniyo, ci yer ma i wane ma orobo-ni pe lwar, dok pe ogolle matut ma okato del kom, ento ojwik woko, ci ajwaka bitweyo dano-nu i ot pi nino abiro.

²⁷ I nino me abirone ajwaka biŋiyo; ka tye ka nya medde i del kome, ci ajwaka bituco ni kome ki keni; meno two dobo,

²⁸ Ento ka ce waŋe ma orobo-ni ogik i kabedo acel ma pe onya omedde i del kome, ento ojwik woko, meno gin ma okwot i waŋ ka ma opwac keken; ajwaka bituco ni ko me pe ki keni, pien meno waŋ po yo ka ma mac owaŋo.

²⁹ “Ka laco mo nyo dako mo two tye i wiye nyo i yer tike,

³⁰ ajwaka biŋiyo twone. Ka onen ni ogolle matut okato del kom, dok yer ma tye iye odoko ocwakocwak, dok ojwer woko, ci ajwaka bituco ni kome ki keni; meno two akukuc, en dobo me wic nyo me yer tik.

³¹ Ka ajwaka oniyo two akukuc, ka onen ni ogolle matut okato del kom, kun yer macol pe iye, ci ajwaka bitweyo dano meno ma tye ki two akukuc i ot pi nino abiro.

³² I nino me abirone ajwaka bi niyo twone; ka akukuc pe on ya omedde, dok pe tye iye yer ma obedo ocwakocwak, dok akukuc pe onen ni ogolle matut okato del kom,

³³ ci dano-nu bilyelo wiye woko, ento pe bilyelo ka ma obedo akukuc-ci. Ajwaka bimedo tweyo dano meno i ot pi nino abiro mukene.

³⁴ I nino me abirone ajwaka biŋiyo akukuc; ka akukuc pe onya omedde i del kome, kun nen ni pe ogolle matut okato del kom, ci ajwaka bituco ni ko me pe ki keni. En bilwoko boŋŋine ci bibedo ma olony.

³⁵ Ento ka ce akukuc onya omedde i del kome i ŋe lonnyene,

³⁶ ci ajwaka biŋiyo kome, Ka akukuc omedde i del kome, ajwaka pe dok oyeny yer ma obedo ocwakocwak; kome ki keni.

³⁷ Ento ka onen bote ni akukuc doŋ ocuŋ, dok yer macol tye olot iye, akukuc doŋ ocaŋ woko, en doŋ olonnye; ajwaka bituco ni kome pe ki keni.

³⁸ “Ka laco mo nyo dako mo del kome orobo, kome oonyo ma okwor matar,

³⁹ ajwaka biŋiyo. Ka del kome orobo, kome oonyo ma pe okwor matar twatwal, noŋo del ko me oonyo odugo aduga keken; kome pe ki keni,

⁴⁰ “Ka yer wi laco mo otal oo woko, en bedo lawiye otal, ento kome pe ki keni.

⁴¹ Dok ka laco mo yer olwer woko ki i tur nyime nyo i teŋ wiye, en bedo ma wiye otal i tur nyime, ento kome pe ki keni.

⁴² Ento ka tye two mo i wiye nyo i tur nyime mutal-li ma orobo matar kun obedo makwarkwar, meno two dobo aye ma ocorre i wiye ma otal-li, nyo i tur nyime ma otal-li.

⁴³ Ajwaka biŋiyo kome: ci ka two ma okwoto wiye mutal-li nyo tur nyime mutal-li obedo matar makwarkwar, kun nen calo two dobo ma i del kom dano,

⁴⁴ en dano ma ladobo, ko me ki keni. Ajwaka myero otuc ni kome ki keni; twone tye i wiye.

⁴⁵ “Ladobo ma tye ki two dobo myero oruk boŋŋi ma oket, bigonyo yer wiye ket ata lijayi, ci umo del doge mamalo woko, ka daŋŋe ni, ‘Koma ki keni, koma ki keni.’

⁴⁶ En bibedo keni pi kare ducu me twone; kome ki keni. En bibedo i kabedone kene, woko i ŋe gony.

⁴⁷ “Ka ce two dobo tye i kom ginaruka mo, kadi bed me boŋo yer romo nyo boŋo camanini,

⁴⁸ i kom uci ma atirre nyo i kom uci ma ariine, nyo i kom laa, nyo i kom gin mo ma gitiyo ki laa,

⁴⁹ ka two nen atworo-atworo nyo makwarkwar i kom boŋo, i kom uci ma atirre nyo i kom uci ma ariine, nyo i kom gin mo ma gitiyo ki laa, meno two dobo, myero ginyut bot ajwaka.

⁵⁰ Ajwaka biŋiyo two meno, ci bitweyo wi jami ma two tye iye-ni pi nino abiro.

⁵¹ I nino me’ abirone en biŋiyo two-nu. Ka two onya omedde i ginaruka, i kom uci ma atirre nyo i kom uci ma ariine, nyo i kom laa, kadi bed laa ma giyubo pi kit tic mo, meno aye dobo ma ŋuno jami; jami-nu keni,

⁵² Ajwaka biwaŋo ginaruka meno, kadi bed two tye i kom uci ma atirre nyo i kom uci ma ariine, i boŋo yer romo nyo i boŋo camanini, nyo i kom gin mo ma gitiyo ki laa, pien meno two dobo ma nuno jami; gibiwaŋo woko awaŋa ki mac.

⁵³ “Ka ajwaka oniyo, ce two pe onya omedde i ginaruka, i kom uci ma atirre nyo i kom uci ma ariine, nyo i kom gin mo ma gitiyo ki laa,

⁵⁴ ci ajwaka biciko ni gilwok jami ma two tye iye-ni, ci bimedo tweyo wiye pi nino abiro mukene.

⁵⁵ Dok ajwaka biŋiyo jami ma two tye iye-ni i ne lwokogi. Ka raŋi pe olokke ka ma two tye iye-ni, kadi bed two pe onya omedde, jami-nu keni; wubiwaŋo woko awaŋa ki mac, kadi bed two oŋuno tuŋ ŋeye nyo tuŋ iye.

⁵⁶ “Ento ka ce ajwaka oniyo, ci two pe nen twatwal i ne lwokone, en biyeco dul meno woko ki i kom ginaruka, nyo ki i kom laa, ki i kom ucine ma atirre nyo i kom uci ma ariine.

⁵⁷ Lacen ka two dok onen i kom ginaruka-nu, nyo i kom ucine ma atirre nyo i kom uci ma ariine, nyo i kom gin mo ma gitiyo ki laa, noŋo tye ka nya medde; gin ma two tye iye-ni wubiwano woko awaŋa ki mac.

⁵⁸ Ento ginaruka, kadi bed uci ma atirre nyo uci ma ariine, nyo gin mo ma gitiyo ki laa, ma two oa i kome ka ilwoko, myero gilwok tyen me aryo, ci bibedo ma olonnye.”

⁵⁹ Man aye cik ma mako two dobo ma i kom ginaruka me boŋo yer romo nyo boŋo camanini, i kom uci ma atirre nyo i kom uci ma ariine, nyo i kom gin mo ma gitiyo ki laa, pi ŋolo ka olony nyo keni.