Kocea 9 - Acoli Baibul

Can ma opoto i kom Icrael pi kwero Lubaŋa

¹ Pe ibed ki yomcwiny, in Icrael! Cwinyi pe obed yom macalo rok mukene; pien in iweko Lubaŋani ci idoko lakwele, imaro timo kwele pi noŋo lim, wa i laro moyo ducu,

² Laro moyo ki bur koŋo Vino, pe bipitogi, kono Vino manyen bene biremogi.

³ Pe gibibedo i lobo pa Rwot ento Epraim bidok cen i Ejipt, dok gibicamo cam ma cik ogeno ki Aciria.

⁴ Pe gibiliyo koŋo vino me gitum amata bot Rwot pe gibiyomo cwinye ki gitum megi. Mugati megi bibedo calo mugati pa jo ma kwero cola; jo ducu ma gucamo gudoko keni. Pien kwongi bibedo me lanek kec keken, pe myero gikel wa i ot pa Rwot.

⁵ Wubitimo gin aŋo i nino madit ma giciko pire, ki i nino madit me woro Rwot?

⁶ Koŋ inen ka gicito wa i lobo Aciria, jo Ejipt aye bicokogi kacel, Mempic aye biyikogi, Jamigi ducu me ryal ma yomo cwinygi, doo bimayo woko, okuto bitwi wa i odigi.

⁷ Kare me keto can doŋ obino, kare me culo adwoggi me bal doŋ oromo; Icrael biŋeyo. Lanebi en aye dano ma lamiŋ, dano ma tye ki Cwiny pa Lubaŋa odoko lapoya, pi bal mewu madwoŋ ki adagadaga madwoŋ.

⁸ Lanebi en aye lakur-piny pa Epraim, ma gin jo pa Lubaŋana, ento giciko owic pa ladwar i waŋayone ducu, ki adagadaga tye i ot pa Lubaŋane.

⁹ Gin gudonyo i bal matut twatwal, macalo i kare me Gibea. En bipo pi tim megi maraco-ni, dok biketo can i kcmgi pi bal megi.

¹⁰ I kare ma yam anoŋo Icrael, acob kome macalo nyig olok ma, i tim. Con aneno kwarowu obedo calo nyig oduro ma ocako cek aceka, Ento ka cen guo i Baal-peor, ci gucako mine kengi bot cal jogi, omiyo gudoko gin ma cwiny dano dagi ma tom ki gin ma gin gimaro.

¹¹ Deyo pa Epraim biket woko ata, macalo winyo ma twarre, nywal bibedo pe, wa gamo ic bibedo pe ki doŋo ic bene pe.

¹² Dok kadi bed gupit litinogi, abityekogi woko ducu, mo pe bidoŋ I kare ma abia woko ki botgi, gibineno can madit twatwal!

¹³ Dok litino pa Epraim, kit macalo anenogi kwede, gibinekogi woko macalo lee tim; Epraim myero ocwal litino awobene bot lunekgi.

¹⁴ Migi ba, ai Rwotibimiyogi gin aŋo kaa? Migi poto ic, ki tunogi obed mutwo libeŋ,

¹⁵ Racgi ducu tye i Gilgal, ka ma yam cwinya ocako kwerogi iye. Pi gin maraco ma gubedo ka timone, abiryemogi woko ki i oda. Pe dok abimarogi matwal; rwodigi ducu gubedo jo ma lujemo.

¹⁶ Epraim rom ki yat ma doŋ gireto woko piny, ma lwite oner woko, pe doŋ binyako nyige. Dok kadi bed ginywal, abineko litinogi ma gimaro-ni woko.

¹⁷ Lubaŋana bibayogi woko pien gukwero winyo lokke; gibibedo lumalgaŋ i kin rok ducu.