Jekaria 6 - Acoli Baibul

Gadigadi lweny aŋwen

¹ Dok atiŋo waŋa malo, ci aneno gadigadi lweny aŋwen ma gua ki i kin godi aryo; godine onoŋo gubedo godi me mola.

² Gadigadi mukwoŋo tye ki aguragura makwar, me aryone tye ki aguragura macol,

³ me adekke tye ki aguragura matarre, ki gadigadi me aŋwenne tye ki aguragura ma ɣubedo abacabac.

⁴ Apenyo lamalaika ma obedo ka lok kweda ni, “Magi gin aŋo, ladit?”

⁵ Lamalaika odokka iye ni, “Magi gubecito i yamo aŋwen me polo, kun onoŋo gukwoŋo cuŋ i nyim Rwot me lobo ducu.

⁶ Gadigadi ma tye ki aguragura macol-li woto dok mere kemo lobo ma tye tye yo acam, aguragura matarre gicito megi gidok yo tun potoceŋ, ki ma gubedo abacabac-ci giwoto gidok tuŋ lobo ma tye yo tuŋ acuc.”

⁷ I kare ‘ma aguragura gikatti woko, gurune oyotoyot me cako wotgi me loŋo lobo. Ka doŋ ocikogi ni, “Citu, wuloŋ lobo.” Gin bene guwoto guloŋo lobo.

⁸ En olwoŋa ki dwan maloŋo owacca ni, “Nen gin jo ma gudok i lobo ma tye yo tuu acam gukweyo Cwinya ki i lobo ma tye yo tuŋ acam.”

⁹ Lok pa Rwot dok obino bota ni,

¹⁰ “Kwany jo magi ki i kin jo ma yam giterogi i opii, Keldai, Tobiya ki Jedaya, ma doŋ gudwogo ki i Babilon; wot kacel kwedgi nio wa i ot pa Yocia wod pa Jepania,

¹¹ Gam ryal ki jabu ki botgi, ci iti kwede lalukana me ker, Rwak lalukana i wi Yocwa wod pa Yekojadak, ajwaka madit.

¹² Dok ititte ni, ‘Rwot me mony owaco kuman ni. “Nen dano ma nyiŋe Jaŋ Yat ene, En bidoŋo i kabedo ka ma en tye iye, dok en bigero ot pa Rwot.

¹³ En kikome aye bigero ot pa Rwot; en bibedo ki deyo ma porre pi kabaka, bibedo i wi komkerre, ka bicako loyo piny. Ajwaka bicuŋ i ŋet komker mere, niaŋŋe ma kelo kuc bibedo tye i kingi gin aryo.”

¹⁴ Lalukana meno bibedo i ot pa Rwot macalo gin me poyo wic bot Keldai, Tobiya, Jedaya ki Yocia wod pa Jepania.

¹⁵ “Jo ma tye ka mabor gibibino, gibikonyo jo ma gigero ot pa Rwot; meno bimiyo wuŋeyo ni Rwot me mony muora botwu. Man bitimme ka ce wubiketo