Jabuli 85 - Acoli Baibul

Lega pi timo kica i kom jo Icrael

¹ Rwot, yam ibedo ki kica i kom loboni, idwoko gum i kom jo pa Yakobo.

² Yam iweko bal pa lwakki, dok itimogi kica i kom roc ducu ma gutiyo,

³ Yam idwoko akemoni woko cwinyi, ilokke ibwoto kinigani malyet-ti,

⁴ Dwokwa cen boti, ai Lubaŋa lalarwa, cwinyi pe myero doŋ obed ka waŋ i komwa!

⁵ Kiniga mono bimaki i komwa matwal? Ibimedo kinigani bedo i kom yalwak ducu?

⁶ Pe ibidwoko cwinywa i komi doki aye, wek wan lwakki wabed ki yomcwiny piri?

⁷ Ai Rwot, nyut botwa mar meri ma pe lokke, dok imiwa larri.

⁸ Wek awiny gin ma Rwot Lubaŋa biloko. Biloko lok me kuc bot lwakke, bot jone ma gene, ma gilokke ki i cwinygi gidwogo bote.

⁹ Adada, en tye oyubbe pi laro jo ma lwore, wek deyo obed i lobowa.

¹⁰ Mar ma pe lokke ki gen gibiribbe kacel, kit ma atir ki kuc bene gibirwatte.

¹¹ Gen bia ki i lobo doŋo malo, kit ma atir bene bineno piny ki i polo.

¹² Iyo, Rwot bimiyo botwa gin maber, ki lobowa ‘bene biceko cam madwoŋ.

¹³ Kh ma atir bitelo nyim Rwot, dok biyubo yo ma en biwoto iye.