Jabuli 84 - Acoli Baibul

Miti pi ot pa Lubaŋa

¹ Odi ber twatwal ar Rwot me mony!

² Cwinya mito mada ni abed kunnu, dok olwoko pi donyo ka bedo i dyekal pa Rwot. Awero wer mepako Lubaŋa makwo ki yomcwiny madwoŋ kun amiyo iye kwona ducu.

³ Kadi ki lakalagwec bene tye ki ode, ki aliboro bene tye ki ode ka ma en buto iye, en ka ma etwero bolo iye toŋe, ma cok ki keno tyerri, ai Rwot me mony, kabakana ma Lubaŋana,

⁴ Jo ma bedo i odi gitye ki gum, ma gibedo ka wero wer kun gipaki, kare ducu!

⁵ Jo ma gigeno tek ma tve boti gitye ki gum, gin jo ma tye ki cwiny me cito wa i Cion.

⁶ I kare ma giwok i nota me Baka mutwo-ni, gimiyo doko waŋ it; kot me poto kot bene cwer iye miyo pii poŋ i kabedo ducu.

⁷ Gimedde gidoko tek i kare ma giwoto; Lubaŋa ma loyo lwak lubaŋa ducu binen i Cion.

⁸ Winy legana, ai Rwot Lubaŋa me mony; cik iti iwiny, ai Lubaŋa pa Yakobo!

⁹ In aye i kwotwa, ai Lubaŋa; nen danoni ma giwiro ma in aye iyero!

¹⁰ Bedo i dyekalli pi nino acel keken ber kato bedo ka mukene pi nino alip. Twora abedo lagwok doggola ot pa Rwot, kato ma abedo i kema ka ma tim maraco tye iye.

¹¹ Rwot Lubaŋa aye cen mewa dok kwotwa; en onyo kicane i komwa dok miyo wabedo ki deyo. Rwot pe, twono dano ma gilube ma cwinygi Ien, ki gin mo maber,

¹² Ai Rwot me mony, dano ma geno in tye ki gum madwoŋ!