Jabuli 81 - Acoli Baibul

Wer pi nino madit

¹ Wuwer wer ki dwan maloŋo bot Lubaŋa ma en tekwa; wuwer wer me pak ki yomcwiny bot Lubaŋa pa Yakobo!

² Wuwer ci wugo ajaa-gu bene, wugo ki opuk ki naŋa-gu.

³ Wukut tum i kare ma dwe pud opor apora, dok ka doŋ ogudo got, ki i ninowa madit.

⁴ Pien man obedo cik i Icrael, gin ma Lubaŋa pa Yakobo yam ociko.

⁵ En oketo cik man i kaka pa Yucepu, i kare ma en owoto ocito ka lewny i kom lobo Ejipt. Awinyo dwan ma yam oc aneyo, ma wacci

⁶ “Atiŋo yec mapek woko ki i gwoki; amiyo iketo aduku woko piny.

⁷ Ikok bota i’ kare ma it ye i can, ci alarl; agamo dogi ki mor piny ki i kabedo me muŋ ma akanne iye, atemi bene i ŋet pii me Meriba.

⁸ Wuwiny, wun jona, ka ajukowu; wun jo Icrael, amito ni wuwinv gin ma awacowu-nil

⁹ Pe myero ginoŋ i kinwu kit lubaŋa mo ma pe ŋene, pe wuryebbe piny ka woro lubaŋa pa lurok.

¹⁰ An a Rwot Lubaŋawu, ma akwanyowu, akelowu woko ki i lobo Ejipt. Wuŋam dogwu malac, ci abipitowu ki cam.

¹¹ “Ento jona pe guwinyo lok ma yam aloko botgi; ro Icrael onoŋo doŋ pe gitwero lubo cikka kadi ki acel.

¹² Pi meno omiyo awekogi woko pi tek wigi, wek guti gin ma cwinygi mito.

¹³ Kono nene jona guwinyo lokka, kono jo Icrael gulubo cikka!

¹⁴ Onoŋo kono aloyo lukworgi woko oyotoyot, kono aryeyo ‘ciŋa atayo lumerokgi woko ducu,

¹⁵ Onoŋo kono jo ma daga gimwolle amwola i nyima, dok can ma bipoto i komgi kono obedo matwal.

¹⁶ Onoŋo atwero pitowu ki ŋano maber twatwal, dok onoŋo atwero miyo wuyeŋ ki moo kic ma tye im got.”