Jabuli 8 - Acoli Baibul

Deyo pa Lubaŋa ki woro pa dano

¹ Ai Rwot, in i Rwotwa, dit me nyiŋi nen i wi lobo ducu! Pak ma gikori kwede o malo i polo,

² wer ma litino lukere ki litino ma pud dot giwero me paki. Ityeko gero cel gogo me gwokkeni pi geŋo lukworri, wek ilo lukworri ki jo ma lewnyo i komi.

³ Ka aneno polo, ma in itiyo ki ciŋi, ki dwe ki lakalatwe ma iketogi i kabedogi likiŋ;

⁴ dano kono gin aŋo ma miyo itamo pire, dano adana ma mwa-ni gin aŋo ma miyo iparo pire?

⁵ Ento imiye dit ma in Lubaŋa keken aye iloye, ka doŋ iketo lalukana me dit ki deyo i wiye,

⁶ Iketo en obedo Laloc ma loyo gin ducu ma iketogi; iketo en obedo lalo jami ducu,

⁷ romi ki dyaŋi, ki lee tim-gu,

⁸ winyi kacel ki rec me nam, ki kit gin ducu ma wok i dye nam.

⁹ Ai Rwot, in i Rwotwa, dit me nyiŋi nen i wi lobo ducu!