Jabuli 76 - Acoli Baibul

Lubaŋa aye laloc dok laŋolkop

¹ Dano giŋey Lubaŋa maber twatwal i Juda, nyiŋe bene dit i Icrael.

² Giketo kabedone tye i Calem, ki kabedo ma en bedo iye tye i Cion,

³ En oturo atero ma lakke wil awila woko ki kunnu, oturo wa kwodigi, pala lucwan ki jami lweny-gu ducu.

⁴ It ye ki deyo makato, ai Lubaŋa, ki dit me loc tye i ciŋi, makato godi ducu ma ri nakanaka,

⁵ Askarigi macir ducu giyako jamigi woko; gitye ka nino nino matut adada; pe tye ŋat mo mudoŋ ki i kin gin lumony ma twero tic ki jami lweny.

⁶ I kare ma ijukogi, ai Lubaŋa pa Yakobo, aguragura ki jo ma ŋweco kwedgi gupoto guwille woko; ducu,

⁷ Ento in, dano lwori matek! Aŋa ma twero cun i nyimi ka onoŋo kiniga doŋ omaki woko?

⁸ In doŋ iŋolo kop woko ki i polo; jo ducu ma bedo i lo bo gulworo, omiyo guliŋ mot,

⁹ i kare ma ia malo ka ŋolo kop, pi laro jo ducu ma giunogi i lobo-ni,

¹⁰ Adada akemo pa dano miyo jo gilokke gidok ka paki; jo mudoŋ ma gubwot ki i lweny ibikelo bedo cok kwedi.

¹¹ Wukwoŋ kwon bot Rwot Lubaŋawu, dok wucob gin ma wukwoŋo; wek dano ducu ma gibedo cok, i ŋete gukel bote mot; Lubaŋa myero gilwor,

¹² pien en dwoko rwodi ma luwakke woko piny, dok miyo luker me lobo gibedo ki lworo madwoŋ.