Jabuli 74 - Acoli Baibul

Koko bot Lubaoa i kom lukwor pajone

¹ Ai Lubaŋa, piŋo ibolowa woko matwal? Piŋo imiyo akemoni duny i kom romini ma in aye ikwayogi?

² Po pi lwakk i ma yam iyerogi cakke wa con, gin jo ma yam ikokogi ki i can wek gubed joni kikome. Po pi got Cion, kabedo ma yam ibedo iye.

³ Bin iwot i kabedo man ma doŋ odoko obur matwal-li; lukwor gujwero jami woko ducu ki i kabedoni maleŋi

⁴ Lukworri gudaŋŋe matek ka ma yam jo gucokke iye ka wori; guketo benderagi malo me nyuto ni doŋ odoko megi.

⁵ Gicalo luton-yat ma i buŋa ma gitye ka toŋo yadi ki latongi.

⁶ Gutoŋo bao iye ducu ma yam gipayo maber, gubaro gubalo woko ki laton ki nyol.

⁷ Gucwinyo ot pa Lubaŋa woko ki mac’ gupyedo ot meno maleŋ ka ma yam dano giworo iye nyiŋe, gumuko gureto woko piny.

⁸ Guwacci, “Wabiŋinyo jo-ni watyekogi woko matwal”; guwaŋo kabedo ducu woko liweŋ ki i lobowa ka ma yam lwak cokke iye ka woro Lubaŋa,

⁹ Pe doŋ waneno kit lanyut ma yam gimiyowa-ni; pe doŋ tye lanebi mo, pe tye ŋat mo i kinwa ma nevo kare ma can man bitero.

¹⁰ Ai Lubaŋa, lukworwa mono gibibedo ka ŋalowa pi kare ma rom mene? Lukworwa myero gubed ka yeto nyiŋi nakanaka, Lubaŋa?

¹¹ ‘Piŋo idolo ciŋi woko pe ikonyowa? Idolo ciŋi idwoko yo tuŋ ŋeyi piŋo?

¹² Ento in Lubaŋa, ibedo kabakawa cakke wa con, ibedo ka tiyo ticci me laro dano i wilobo.

¹³ Ipoko dye nam woko ki tekki; inyoto wi megi kulu-gu woko ducu i pii.

¹⁴ Ininyo wi Leviatan ma min kulu-ni woko ducu, ka imiyo odoko cant pa Lee ma gibedo i tim.

¹⁵ Iyabo waŋ it, imiyo piine obedo ka gunnye odoko ora, ci imiyo pii otwo woko liweŋ ki i kuln mukene ma yam gimol.

¹⁶ Dyeceŋ meri ki wor bene meri; in aye iketo ceŋ ki dwe i kabedogi.

¹⁷ Iketo waŋ apokki ducu me lobo; in bene ma iketo oro ki cwir gubedo tye.

¹⁸ Ai Rwot, po i kit ma lukworwa giŋali kwede, gin jo ma pe gilwori giyeti noŋo.

¹⁹ Pe imi joni ma rom ki akuri-ni bot lukwor magi mager-ri ma rom ki lee tim; wii pe myero owil matwal i kom lwakki ma gin lucan-ni,

²⁰ Po i kom gicikkeni ma yam icikke kwede ki wan; pien tim bwami tye i kabedo macol ducu ma tye i lobowa-ni.

²¹ Pe iwek lewic omak jo ma doŋ ginyonogi woko piny-nyi; wek lucan ki jo ma’ piny obwoyogi gupak nyiŋi.

²² A malo, ai Lubaŋa, ipid pidoni; po bene kit ma jo ma pe gilwori giŋali kwede dyeceŋ jwi!

²³ Wii pe owil i kom daŋŋe me kiniga ma lumoneni gidaŋŋe kwede matek-ki, en woo pa gin lukworri ma gimedde kwede ameda ma pe giliŋ-ŋi.