Jabuli 65 - Acoli Baibul

Pak ki pwoc bot Lubaŋa

¹ Dano myero gupaki i Cion, ai Lubaŋa; dok myero gumini gin ducu ma yam gukwoŋo pire,

² pien in aye ma igamo Iega-gu ducu. Dano ducu gibibino boti

³ pi balgi ma gutimo. I kare ma timwa marac doŋ obwoyowa, in itimowa kica iweko bal wa.

⁴ Dano ma iyero ka ikelo cok boti tye ki gum, me bedo i dyekal me kabedoni maleŋl Wabiyen ki jami ducu mabeco ma tye i odi, ma en aye kabedoni maleŋl

⁵ Igamo legawa, ai Lubaŋa Lalarwa, ilarowa kun itiyo jamimadito me aura ma kelo lworo. Jo ducu ma gibedo ilobo gigeno in, kadi wa jo ma gibedo ka ma lobo ogik iye, ki jo ma gibedo ka mabor wa i agikki nam

⁶ Iciba godi ocuŋ i kabedogi ki tekki, ma irukke woko ki tweroni madwoŋ.

⁷ In aye ma ijuko mor pa nam ki twagge pa biamwonyi bene; dok ijuko woo pa lwak me rok ducu,

⁸ Mumiyo dano ducu ma gibedo ka mabor i wan apokki me agikki lobo gitye ki lworo pi lanyut ma itiyo; dok Imiyo lwak gigoyo kijira pi yomcwiny cakke tuŋ wokceŋ o kwede wa i tuŋ potoceŋ.

⁹ Ibino i lobo ci imiyo kot cwer iye, imiyo lobo cekocam mabup; kuluni ducu ma iketo Poŋ woko ki pii; in bene ma imiyo bel cek, pien in yam iyubo kumeno.

¹⁰ Imiyo kot cwer bino i potti ma gipuro ki kweri dyaŋ, dok ipiro ŋom mutiŋŋe ma i dyere woko maber, imiyo kot cwer iye madwoŋ obido woko, dok imiyo gum i kom kodi ducu ma i poto gitwi gidoŋo maber.

¹¹ Mwaka ki mwaka imiyo cam cek bot dano madwoŋ pi gum ma imiyo; yo ma gadigadini wok ki iye mol moo keken.

¹² Olet ma i tim ducu opoŋ ki dyaŋi keken, jo ma gibedo i ŋet godi ducu gitye ki yomcwiny madwoŋ,

¹³ Bar kwat ducu opoŋ ki lwak romi ma pe wacce, nota-gu ducu opoŋ ki kal ma tye ka doŋo iye, gigoyo kijira ma giwero wer kacel ki yomcwiny.