Jabuli 57 - Acoli Baibul

Lega pi kony ki i ciŋ lumerok

¹ Tima kica, ai Lubaŋa, tima kica do, pien ariŋo ka larre boti. Abirino ka larre i te tipo bwomi, nio ka yamo kot ma tyeko dano okato.

² Akok bot Lubaŋa Mamalo Twal, bot Lubaŋa ma cobo gin ma en oyubo pira.

³ Lubaŋa bicwalo mar mere ma pe lokke, kacel ki adane, en bicwalo ki i polo ci lara; en biloyo lukworra ma ginyona woko piny-nyi, dok miyo lewic makogi bene.

⁴ Abuto piny i kin labwor ma guwor atika ka mwodo dano. Lakgi bit calo toŋ ki atero, lebgi bene bit calo pala lucwan.

⁵ Ai Lubaŋa, nyut ditti malo i polo, dok imi deyoni oryeny i wi lobo ducu!

⁶ Lukworra guciko obwo, gimito maka; cwinya doŋ ool woko ki can. Gukwinyo bur i yo ka ma awoto ki ive, emo gin dok gupoto iye kekengi.

⁷ Cwinya omoko i komi, ai Lubaŋa, cwinya omoko i komi ma pe lokke! Abiwero wer kun apaki ki dwan maloŋo!

⁸ In tipona, co woko! Wun naŋa ki opuk bene wuco woko! An bene abicoyo rupiny miyo ceŋ tuc!

⁹ Abimiyo pwoc boti i kin lwak me rok ducu, ai Rwot; abiwero wer me paki i kin lurok.

¹⁰ Mar meri ma pe lokke dit, o wa i polo, dok ada meri bene dit, o wa i pol.

¹¹ Ai Lubaŋa, nyut ditti malo i polo, dok imi deyoni oryeny i wi lobo ducu!