Jabuli 54 - Acoli Baibul

Lega pi gwoko dano ki i kom lukwor

¹ Ai Lubaŋa, lara pi nyiŋi, dok imi alo kop pi tweroni.

² Winy legana, ai Lubaŋa; cik iti iwiny lok ma awaco.

³ Jo ma luwakke gubino ka lweny i koma, jo mager gimito neka woko; gin jo ma pe tamo pi Lubaŋa.

⁴ Aŋeyo ni Lubaŋa aye lakony mera; Rwot aye ma gwoko kwona.

⁵ En biculo kwor i kom lukworra ki gin marac; tyekgi woko liweŋ pien in Lubaŋa ma genne.

⁶ Abityero gityer boti pi yomcwiny; abimiyi pwoc, ai Rwot, pien in iber.

⁷ Nen doŋ ityeko lara ki i kit can ducu, mumiyo aneno lukworra macalo jo ma doŋ aloyogi woko.