Jabuli 50 - Acoli Baibul

Lubaŋa aye laŋolkop

¹ Lubaŋa Matwero-ducu, ma en Rwot, doŋ oloko; en lwoŋo jo me wi lobo ducu cakke ki tuŋ wokceŋ nio kwede tuŋ potoceŋ.

² Lubaŋa tye ka ryeny ki i Cion, en gaŋ maber twatwal-li.

³ Lubaŋawa tye ka bino, en pe biliŋ, mac mager tye ka waŋ i nyime, yamo magwa ma kodo matek orume woko dyere.

⁴ En Lwoŋo polo ki malo, ka dok lwoŋo lobo, wek doŋ ecak ŋolo kop i kom lwakke.

⁵ En wacci, “Wucok jona ma lugen, wukelgi bota, jo ma guketo gicikke kweda ki gitum!”

⁶ Polo otuco ni Lubaŋa oporre, pien Lubaŋa aye laŋolkop.

⁷ “Wuwiny, wun jona, an doŋ abilok, wun jo Icrael, abimiyo lok me caden i komwu. An Lubaŋa, Lubaŋawu,

⁸ Pe ajukowu pi lwak gitumwu mapol, ki gitum awaŋa ma wutyero bota kare ki kare.

⁹ Pe abigamo twon mo ma wukelo ki i gaŋwu, kadi nyok dyel ma wukwanyo ki i dwolwu.

¹⁰ Lee me buŋa ducu mera, wa lwak dyaŋi ma gitye i wi cere alip kulu-ni bene mera.

¹¹ Aŋeyo winyo ducu ma gitpk i dye yamo, ki gin mak wo ma gibedo i tim ducu mera.

¹² “Ka ce nene kec neka” pe onoŋo atwero tito botwu; pien lobo ki jami ducu ma tye iye mera.

¹³ An mono acamo riŋo twoni, nyo wuneno amato remo nyogi romi?

¹⁴ Wutyer gityer me miyo pwoc bot Lubaŋa, wucob kwoŋwu bot En Mamalo Twal.

¹⁵ Wukok bota i kare me can; abilarowu, ci wubipaka.”

¹⁶ Ento bot dano marac Lubaŋa owacci, “Kit twer aŋo ma it ye kwede me kwano cikka, ki me bedo ka loko lok i kom gicikkena?

¹⁷ In ikwero ni pe myero gijuki, dok ibolo lok ma aciko odok yo tuŋ ŋeyi.

¹⁸ Ka ce iŋeno lak wo, ci imak o doko laremi; dok ibedo kacel ki lutim abor.

¹⁹ “Kare ducu iyubbe me loko gin marac; lok ma a ki i dogi obedo lok goba.

²⁰ Ka ma ibedo iye icako loko lok marac i kom omeru; ikwoto omeru kikome ma latin pa meru.

²¹ Meno ducu itiyo ento an aliŋ aliŋa: itamo ni gwok abedo ŋat mo ma kite rom ki meri-ni. Ento kombeddi ajuki, dok anyutti balli kore kikore.

²² “Koŋ wutam man, wunjo ma wiwu wil woko i kom Lubaŋa-ni, wek pe atyekwu woko, ci doŋ ŋat mo ma bilarowu bibedo pe.

²³ Ŋat ma miya pwoc macalo gitumme noŋo keto deyo i koma; ki ŋat ma bedo ki kit atir kun lubo cikka abinyuto larra bote.”