Jabuli 5 - Acoli Baibul

Lega pi gwok

¹ Cik iti iwiny lokka, ai Rwot; dok iwiny curra,

² Kabakana ki Lugaŋana, winy kokona ilara. Abilego kun abako doga boti, ai ai Rwot.

³ I odiko iwinyo dwana; ka ceŋ doŋ tuc akelo gitumma boti, ci doŋ akuro lagam ma a boti.

⁴ In pe Lubaŋa ma cwinye bedo yom pi tim maraco; in pe iye nywako kabedo ki gin marac.

⁵ Pe iye ni jo ma gin luwakke gucuŋ i nyimi; idag lutim maraco ducu.

⁶ Ityeko lugoba woko liweŋ, in Rwot icayo jo ma gin lutim, bwami ma gineko dano kun gin lubwola kwede.

⁷ Atwero donyo i ot meri, pi mar meri madwoŋ ma pe lokke; abiworo in i ot meri maleŋ, kun aryebbe piny i nyimi ki lworo madwoŋ.

⁸ Ai Rwot, lukworra gitye pol; tela wek ati gin ma tye atir i nyimi, dok imi yoni ma alubo obed atir.

⁹ Lok ma lukworra giwaco pe me ada’ cwinygi opoŋ ki tam me nek keken, guŋamo doggi calo lyel ma twolo, kun giloko lok mamit me bwolo dano.

¹⁰ Pwod gidok idwok balgi i wigi, ai Lubaŋa; mi yubgi maraco ma giyubo-gu pe ocobbe. Ryemgi woko ki i nyimi gucit cen, pien gutimo lwak bal mapol, dok gujemo wo ko i komi.

¹¹ Ento mi jo ma giriŋo ‘gilaro boti gubed ki yomcwiny, gibiwero wer kare ducu pi yomcwiny. Dok igwokgi gin jo ma gimari; pi in omiyo cwinygi yom adada.

¹² Imiyo gum ki jo ma kitgi atir, ai Rwot; kicani geŋo komgi woko calo kwot.