Jabuli 47 - Acoli Baibul

Lubaŋa aye kabaka ma loyo wi lobo

¹ Wudoŋ ciŋwu, wun lwak ducu me wi lobo ducu! Wudaŋŋe kun wuwero wer me yomcwiny bot Lubaŋa ki dwan maloŋo!

² Rwot, ma en ŋat Mamalo Twal, aye myero gilwor, en kabaka madit ma loyo wi lobo ducu.

³ En aye omiyo waloyo lwak me rok ducu, oketowa me bedo luloc pa lurok.

⁴ En aye ma oyero lobo man ma wabedo iye-ni piwa, man aye gipiny me wakke pa Yakobo ma en maro.

⁵ Lubaŋa doŋ oito malo kun lwak gidaŋŋe matek, Rwot oito malo ma lwak gikuto tum-gu.

⁶ Wuwer wer me pako Lubaŋa, wuwer wer me pake! Wuwer wer me pako Kabakawa, wuwer wer me pake!

⁷ Lubaŋa aye kabaka ma loyo wi lobo ducu; wuwer wer me pak ki jabuli!

⁸ Lubaŋa loyo rok ducu; Lubaŋa bedo i wi komkerre maleŋ,

⁹ Rwodi ma giloyo lwak me rok ducu gucokke ma guribbe kacel ki jo pa Lubaŋa pa Abraim. Kwot me wi lobo ducu obedo jami pa Lubaŋa; gidwore matek twatwal!