Jabuli 45 - Acoli Baibul

Wer ma giwero pi nyom pa kabaka

¹ Cwinya opoŋ ki lok mabeco adada; lok magi ducu atye ka lokone bot kabaka; leba bit calo leb kal am pa karan ma ladiro.

² In keken aye iber ikato co mukenegu woko, pien lok ma iloko ducu obedo me kica keken; pi meno Lubaŋa doŋ otyeko miyi gum woko matwal.

³ Twe pala lucwanni i emi, in twon oteka, i deyoni ki dit meri!

⁴ Rin ŋwec me loc kikome ki deyo ka lweny pi ada dok pi gwoko kit ma atir; wek ciŋi malacuc otim tim ma kelo lworo.

⁵ Ateroni bit, icelo ateroni tllco aduno pa lukworri woko pil; lwak me rok ducu gipoto i te locci,

⁶ Komkerri cal ki komker pa Lubaŋa ci bedo nakanaka, Odoo kerri aye odoo me kit ma atir

⁷ imaro kit ma atir, idag tim maraco. Pi meno Lubaŋa, ma Lubaŋani, doŋ, otyeko wiri ki moo, owiri ki moo me yomcwiny ma kato luwoti mukene ducu.

⁸ Ginarukani ducu gikiro iye murra ma ŋwece kur, ki kit moo makur ducu, ki kacia mamit. I gaŋ kaili ma gideyo ki lak Lyec wer pa lugo naŋa-gu miyo cwinyi bedo yom.

⁹ Anyira pa kabaka bene gitye i kin monni me awora; daker ocuŋ yo tuŋ ciŋi malacuc ma oruko ruk ma gidero ki jabu me Opir.

¹⁰ Nyara, koŋ iwiny, ci itam mot, dok icik iti; wii myero owil woko i kom lutuwu ki i kom jo me doggola pa kwaru.

¹¹ Berri bimiyo kabaka miti; en obedo rwodi, gun i nyime iwore.

¹² Jo Turo gibikelo mot mapol boti pi ber ma itimo bot dano, jo ma lulonyo gibilego kony ki boti kun gikelli lwak lonyo mapatpat.

¹³ Nyako ker orukke woko maber ki i kicikane ki boŋo ma gideyo maber ki jabu.

¹⁴ Oruko boŋŋi ma raŋigi patpat ma gitere kwede bot kabaka, kun anyira luwote ma gilwoke gilubo kore.

¹⁵ Gitelo wigi kun gitye ki yomcwiny madwoŋ i kare ma gicito ka donyo i gaŋ kal pa kabaka.

¹⁶ Ma ka kwaru ibibedo ki litino awobe; ibiketogi gibedo rwodi i lobo ducu,

¹⁷ Abimiyo gipo pi ywekani i yalwak ducu; dok lwak me rok ducu gibipaki nakanaka.