Jabuli 4 - Acoli Baibul

Lega me otyeno manyuto gen bot Lubaŋa

¹ Ai Lubaŋa, gam doga ka akok boti, in aye ma igwoka! I kare ma atye i can, in ceŋ ibino ikonya. Kombeddi doŋ ibed ki kica i koma, dok iwiny legana,

² Wun co mono, wubibedo ka yeta pi kare ma rom mene? Wun mono wubimaro lok ma konnye pe pi kare ma rom mene, ma wulubo lok me goba-ni?

³ Wuŋe ni Rwot doŋ otyeko yera me bedo dano mere kikome; ka akok bo te en winyo kokona,

⁴ Kadi bed kiniga omakwu, ento pe wutim bal; wutam tam matut mada ki i cwinywu, wubed kenwu dok laliŋ i wi kitandawu.

⁵ Wutyer gitum ma myero bot Rwot, dok wuket gen mewu i kome,

⁶ Tye jo mapol ma giwacci, “Wamito walim gum!” Nenwa ki kica, ai Rwot!

⁷ Yomcwiny ma in imiya dwoŋ, kato yomcwiny pa jo ma gitye ki kal ki koŋo madwoŋ ata.

⁸ Cutcut ka abuto piny, acako nino woko mot liyoo ki kuc; ai Rwot, in keni aye ma igwoka miyo abedo maber.