Jabuli 26 - Acoli Baibul

Lega pa dano ma cwinye leŋ

¹ ŋol koppa, ai Rwot, pien abedo ka tiyo gin ma atir, kun ageno in ki cwinya ducu ma pe akalo akala wacel.

² Nena maber, ai Rwot, dok itema; nen cwinya ki tamma ducu.

³ Pien aneno mar meri ma pe lokke, dok abedo i adani.

⁴ Pe abedo kacel ki jo ma lugoba, dok pe aribbe ki jo ma lubwola.

⁵ Adag ribbe ki lutim maraco, pe bene abibedo kacel ki jo maraco.

⁶ Ai Rwot, alwoko ciŋa pi nyuto ni ape ki bal mo, awoto arumo kwede ke no tyerri,

⁷ dok awero wer me pwoc ki dwana maloŋo, kun atito bene pi tic me aura ma itiyo.

⁸ Ai Rwot, amaro odi ka ma ibedo iye, ma en kabedo ka ma deyoni tye iye.

⁹ Pe it yeka woko kacel ki lubalo, dok pe ineka woko kacel ki jo ma gioyo remo pa dano.

¹⁰ Gin jo ma cwinygi tye pi timo gin marac, ma jabagi opoŋ woko ki lim mewil i muŋ.

¹¹ Ento an atiyo gin ma atir; lara, dok iyutta berri.

¹² Abedo ki kuc ma gin marac mo pe ma gudo koma; abipako Rwot i dye lwakke ma gucokke.