Jabuli 20 - Acoli Baibul

Lega pi loyo lweny

¹ Rwot ogam dogi i nino ma it ye ki can!

² En ocwal kony boti ki i kabedone maleŋ, okony kori ki i Cion!

³ En ogam mot ducu ma ityero bote, dok opwo gitum awaŋani ducu ma itumo bote.

⁴ En omiyi gin ma cwinyi mito, dok omi yub meri ducu ocobbe kakare.

⁵ Wek wawer wer me pak ki yomcwiny pi Locci; wek waŋab benderawa malo i nyiŋ Lubaŋawa! Rwot omiyi gin ducu ma-ilege pire!

⁶ Kombeddi aŋeyo ni Rwot bikonyo kabakane ma giwiro; bigamo doge ki i polone maleŋ, bimiye loyo lweny.

⁷ Jo mogo ginyatte pi gadigadi lewny, ki pi aguragura; ento wan wanyatte pi nyiŋ Rwot Lubaŋawa,

⁸ Gibiyokke ci gipoto woko piny; ento wan wabia malo wacuŋ atir.

⁹ Mi loc bot kabaka, ai Rwot; gam dogwa ka wakok boti.