Jabuli 139 - Acoli Baibul

Lubaŋa tye i kabedo ducu dok ŋeyo jami ducu

¹ Ai Rwot, in doŋ iŋiyo kwona CI Iŋeya woko!

² Kadi abedo piny nyo kadi aa malo, in iŋeyo; iniaŋ tamma woko ki ka mabor,

³ Iŋiyo yona ki ka butona piny, dok iŋeyo kit yo me kwona ducu.

⁴ Kadi ma peya aloko lok mo, nen, ai Rwot, in doŋ iŋeyo lok ma abiloko ducu.

⁵ In iruma woko tuŋŋi ki tuŋŋi, kun igwoka ma iketo ciŋi i koma.

⁶ Kit ŋec ma itye kwede tye me aura mada ki tuŋ bota; tye wa malo twatwal ma pe atwero o iye.

⁷ Abicito kwene wek aa woko ki boti? Abia ki i nyimi ariŋo acito kwene?

⁸ Kadi ka ait malo i polo, in bene itye kunnul Kadi ka abuto piny i lyel, in pud itye kunnu aye!

⁹ Kaatuk acito malo ma awoto macalo rupiny, nyo abed i kabedo mo i dog nam ma tye ka mabor adada,

¹⁰ in pud ibibedo kunnu ka peya, dok bene ibimaka ki ciŋi malacuc.

¹¹ Ka awacci, “Wek colpiny ouma woko, ki Leŋo me ceŋ ma atye iye odok dyewor,”

¹² colpiny bene pe col ki boti, ki dyewor bene leŋ aleŋa calo dyeceŋ; pien ki tuŋ boti colpiny rom ki leŋo.

¹³ In aye ma iketo dul me koma ducu, dok icweyo woko kacel ki i i maa.

¹⁴ Abipaki, pien in aye ma myero gilwori dok itye me aura. Ticci ducu ma itiyo obedo tic aura! Iŋeya maber twatwal.

¹⁵ Yam ineno ka giribo cogo koma i kare ma gicweya i i maa, ma gicweyo koma piny i te lobo ka matut ki diro madwoŋ,

¹⁶ Ineno koma ki waŋi ma pud peya gicweyo otum, wel ninona ma iciko pira ducu gicoyogi woko i bukki ma peya nino mo acel i kingi oo.

¹⁷ Ai Lubaŋa, tammi beco bota kuman! Gin ducu mono gitye adi!

¹⁸ Ka awacci akwangi akwana, gipol gikato kweyo woko. Ka aco ki i waŋ nino, noŋo pud atye boti.

¹⁹ Ai Lubaŋa, onoŋo amito inek jo maraco woko, wek jo ma oyo remo pa dano gurweny woko ki bota,

²⁰ gin jo ma gibedo ka loko lok marac i komi-ni, ma guille malo kun giloko lok marac me balo nyiŋi,

²¹ Ai Rwot, an adagjo ma gidagi, dok bene iya okwerojo ma gijemo woko i komi.

²² Adaggi adada ki adagadaga mutum, anenogi macalo lukworra.

²³ Ŋi kwona, ai Lubaŋa, wek iŋe gin ma tye i cwinya; koŋ itema, wek iŋe ka ma tamma tye iye.

²⁴ Inen ka kit mo marac tye iiya, ci doŋ itela i yo ma bedo nakanaka.