Jabuli 137 - Acoli Baibul

Koko pa jo Icrael ma gubedo i opii i Babilon

¹ Wabedo piny i ŋet kulu me Babilon, ci wakok matek i kare ma wapo pi Cion.

² Waŋabo opukwa malo i kor yadi ma i dog kulu kunnu.

³ Jo ma gumakowa guterowa i opii gupenyowa ni myero wawer botgi; lulibowa gumito ni wawer wer me yomo cwiny, kun giwacci, “Wuwerwa wer mo ma loko lok i kom Cion!”

⁴ Watwero wero wer pa Rwot i lobo pa lurok niŋniŋ?

⁵ Wek ciŋa ma lacuc otwo woko, ka ce wiya wil i komi, in Jerucalem!

⁶ Wek leba omok woko i dana, ka onoŋo pe apo piri, ka pe atamo piri, in Jerucalem, macalo gin ma miya yomcwiny makato!

⁷ Ai Rwot, po pi nino ma Jerucalem oneno can iye, ci icul waŋe i kom jo Edom. Po kit ma gubedo ka wacci, “Ret woko, ret woko piny wa i ŋom te gutine!”

⁸ In Babilon, inlayak! Ŋat ma biculo kworwa i komi ki gin ma itimo i komwa, bibedo ki yomcwiny.’

⁹ Dano-ma mako litinoni, ci jwatogi woko i kom got, bibedo ki yomcwiny!