Jabuli 131 - Acoli Baibul

Lega ki mwolo ma tye iye gen

¹ Ai Rwot, pe atye ki miti ma malo twatwal i cwinya, dok bene waŋa pe neno malo twatwal. An pe atikke i kom lok madito ata ma gidito dok me aura makato ŋecca woko.

² Ento doŋ cwinya okwe, aywe doŋ gira mot, calo latin ma tye i kor minne ma oliŋ mot; cwinya doŋ okwe calo latin ma doŋ oliŋ.

³ Wun jo Icrael, wugen Rwot! nia i kare man cito kwede anyim nakanaka!