Jabuli 130 - Acoli Baibul

Gen pi lar pa Rwot

¹ Ai Rwot, akok boti ki i te bur matut!

² Rwot, winy kokona do! Cik iti iwiny legana me bako dog do!

³ Ai Rwot, ka nene onoŋo iparo balwa, aŋa munoŋo twero cuŋ i nyimi, in Rwot?

⁴ Ento in iweko balwa, wek giwori.

⁵ Akuro Rwot ki cwinya ducu, ageno lokke bene.

⁶ Kwona ducu ocuŋ i kom Rwot; akure makato lukur-piny ma gikuro nio wa odiko, makato lukur-piny ma gimito ni piny oru.

⁷ Wun jo Icrael, myero wugen Rwot! Rwot tye ki mar ma pe lokke, dok lar madwoŋ bene tye bote,

⁸ En bi koko jo Icrael ki i balgi ducu.