Jabuli 122 - Acoli Baibul

Lega ni Jerucalem obed ki kuc

¹ Abedo ki yomcwiny i kare ma guwaco bota ni, “Wacitu i ot pa Rwot!”

² Wabedo ka cuŋ acuŋa ki ‘tyenwa i dog gaŋ me Jerucalem!

³ Jerucalem doŋ gigero odoco matek, ma ocuŋ nen maber atika!

⁴ Man aye ka ma kaka ma Rwot oyero gibino iye, gin aye jo Icrael; gibino ka miyo pwoc bot Rwot, kit macalo yam giciko kwede pigi.

⁵ Komker me ŋolo kop giketo tye kunnu, gin komker me ot pa Daudi.

⁶ Wuleg pi kuc me Jerucalem! “Wek gin jo ma mari gubed ki lonyo dok ki kwo maber!

⁷ Kuc obed i i cel murumo gaŋŋi, dok kuc madwoŋ myero obed i odi ma wigi ocudo malo!”

⁸ Pi utmega ki pi luwota abiwacci, “Kuc obed botwu!”

⁹ Kit macalo Rwot Lubaŋawa bedo i ode kany-nyi, abilego ni ibed maber.