Jabuli 112 - Acoli Baibul

Yomcwiny ma dano ma lworo Rwot limo

¹ Wupak Rwot. Tye ki gum dano ma lworo Rwot, ma bedo ki yomcwiny mada ka lubo cikke.

² Likwayone gibibedo twoni oteka i lobo ma gibedo iye; likwayo pa ŋat ma cwinye atir gibimiyogi gum.

³ Jone gibilony dok gibedo ki lwak jami mapul, dok kite ma atir-ri bene bibedo nakanaka,

⁴ Ceŋ tuc, ryeny i colpiny pi jo ma cwinygi atir; Rwot ber, lakica, dok oporre.

⁵ Dano ma cwinye yom, ma miyo banya bot luwote, bibedo maber, dano ma tiyo ki jo ducu ki gen,

⁶ Dano ma kite atir pe gibidiro cen; gibipo pire nakanaka,

⁷ En pe bedo ki lworo kadi ka owinyo lok marac me cwercwiny: bedo ma cwinye tek kun geno Rwot.

⁸ En bedo ma cwinye opye mot, pe bilworo gin mo, nio waŋ ma oneno ka giloyo lukworre.

⁹ En poko jami noŋo bot lucan; dok kite ma atir-ri bibedo nakanaka; en bibedo ki twer dok gibiwore.

¹⁰ Dano marac ka oneno, ci kiniga mako woko; bibedo ka mwodo lake ma cwinye poto; gen pa dano marac rwenyo woko matwal.