Jabuli 110 - Acoli Baibul

Rwot ki kabaka ma en oyero

¹ Rwot owaco bot rwoda ni, “Bed I ŋeta yo tuŋ acuc i kabedo me deyo, nio ka abimiyo lukworri gidoko kom, laten tyeni.”

² Rwot bicwalo odoo ker me twerri ki i Cion. En bimiyo ibedo ka loc i dye lukworri.

³ I nino ma ibilweny i kom lukworri lwakki gibimine kengi boti. Calo toyo ma luk odiko con, awobeni bene gibibino boti kit meno i wi godi maleŋ,

⁴ Rwot doŋ okwoŋo kwoŋ, pe dokbiloko tamme, “In ibibedo ajwaka nakanaka i kit pa Melkijadek.”

⁵ Rwot tye yo tuŋ Iacucci; i nino ma kiniga omake en biloyo luker woko ducu.

⁶ En biŋolo kop i kom jo me rok ducu dok bipoŋo bar me lewny ki kom jo muto; en biloyo luker ducu ma i wi loboni.

⁷ Kabaka bimato pii ki i laora kulu ma tye i ŋet yo, meno bimiyo en ilo wiye malo.