Jabuli 100 - Acoli Baibul

Gilwogo dano pi miyo pwoc bot Lubaŋa

¹ Wuwer ki dwan me yomcwiny bot Rwot, wun lobo ducu!

² Wuti bot Rwot ki yomcwiny, wubin i nyime ki wer!

³ Wuŋe ni Rwot en Lubaŋa! En aye oketowa, wan wa danone, wan jone dok romi ma en kwayogi.

⁴ Wudony i dog gaŋ mere ki pwoc, ki i dyekal mere kun wupake, wupwoye, wupwo nyiŋe!

⁵ Pien Rwot ber; mar mere ma pe lokke bedo nakanaka, ki ada mere bedo nakanaka bot yalwak ducu.