Jabuli 1 - Acoli Baibul

BUK MUKWOŊO Jo ma kitgi atir ki jo maraco

¹ Dano ma kwero lubo tam pa jo maraco, ma pe lubo kit pa lubalo, ki ma pe bedo kacel ki luŋala, bedo ki yomcwiny.

² En maro kwano cik pa Rwot, en bedo ka lwodo lok i kom cikke dyeceŋ ki dywor.

³ En bedo macalo yat ma odoŋo i ŋet kulu, ma nyako nyige i karene kikome, ma pote bene pe two woko. Gin ma en tiyo ducu, en limo iye gum,

⁴ Ento jo maraco pe gitye kit meno; gin calo cun kal ma yamo kolo tero woko.

⁵ Pi meno jo maraco Gibiŋolo kop loyogi; ki jo ma lubalo pe gibiribogi ki jo ma kitgi atir.

⁶ Rwot paro pi dano ma kite atir, ento dano marac birwenyo mere woko matwal.