Icaya 42 - Acoli Baibul

Latic pa Rwot

¹ Rwot owaco ni, “Nen, laticca ma an akonyo, ma an kikoma aye ayero ma cwinya yom i kome. Doŋ atyeko keto cwiny Maleŋ i ko me, en doŋ bikelo ŋolo kop atir bot jo me rok ducu.

² En pe bikok dok pe bidaŋŋe kun ilo dwane malo, pe gibiwinyo dwane i waŋa yo;

³ en pe bituro lagada ma okak, dok pe bineko mac tara ma Lyel niminimi; en bikelo ŋolo kop atir ki gen.

⁴ En bibedo ki gen nakanaka ma cwinye pe balle nio ka doŋ omiyo ŋolo kop atir oromo lobo ducu; lobo ma i dog nam ducu gitye ka kuro cikke.

⁵ Rwot Lubaŋa ma oketo polo, ka doŋ oryeyo ocuŋ atir, ma oyaro wi lobo ki jami ma tye iye ducu, ma omiyo yweyo bot jo ducu ma bedo iye, ki kwo bot jo ducu ma woto iye, en owaco kuman ni,

⁶ “An Rwot, doŋ atyeko lwoni me bedo ki kit ma atir, amako ciŋi, dok bene agwok i: doŋ atyeko miyi woko bot lurok macalo gicikke, me bedo ceŋ ma menyogi.

⁷ In aye ibiyabo waŋgi, wek igonygi woko ki i mabuc ka ma gitweyogi iye, wek bene ikwanygi wo ko ki i piny macol ka ma onoŋo gibedo iye.

⁸ An nyiŋa Rwot, pe amiyo deyona bot ŋat mo mukene, kadi wa pak ma gipaka kwede bene pe abimiyo bot cal jogi ma gipayo apaya.

⁹ Nen, gin mukwoŋo ma yam atito pire doŋ otimme woko, kombeddi atito botwu pi gin manyen; ma pud peya ocako timme.”

Wer me pako Rwot

¹⁰ Wuwer wer manyen me pako Rwot, wupake wun lobo ducu! Wek nam omor kacel ki jami ducu ma tye iye, lobo ma tye i dog nam ki jo ducu ma bedo iye,

¹¹ Tim aroo ki lwak gaŋi ducu ma tye iye myero gupak Rwot, jo Kedar ducu myero gupake! Wek jo ma gibedo i Cela guwer pi yomcwiny, wek bene gudaŋŋe ki woo ki i wi godi pi yomcwiny.

¹² Dano ducu ma gibedo i dog nam ka mabor, myero bene gupak Rwot, kun gimiye deyo.

¹³ Rwot cito ka lweny calo oteka lweny, akemone tugge calo dano ma lalweny, en daŋŋe dok bene wo ki dwan maloŋo adada, ento nyuto tekke i kom lukworre, Rwot ocikke me konyo jone

¹⁴ Lubaŋa owacci, “Aliŋ aliŋa doŋ pi kare malac twatwal, abedo ka diyo cwinya kun pe agamo dog jona; kombeddi doŋ abicako yelle pigi, myero doŋ acak omo cwinya ki yweyo calo dako ma tye ka colle ki arem me nywal.

¹⁵ Abibalo lobo ma obe to godi godi kacel ki godi ducu, dok bene abimiyo gill ducu ma otwi iye two woko; abimiyo kulu ma pii tye iye two tal woko Iikaŋ, abimiyo pii two woko liweŋ ki i kabedo ducu ma yam pii logo iye.

¹⁶ Abitelo lutowan, i yo ma gin pe ŋeyo, i yo ma yam peya guwok ki iye, en aye abipeyogi ki iye. Abimiyo colpiny ma-yam umogi woko-ni doko leŋo, ka ma obedo burbur abipiro woko doko mapwot. Magi aye gin ma abitimo, pe abitenyogi ata liyak.

¹⁷ Dano ducu ma gigeno cal jogi ma gipayo apaya, gin jo ma waco bot cal jogi ni, ‘Wun aye Lubaŋawa,’ gibidwokogi cen ki lewic madwoŋ twatwal.”

Jo Icrael waŋŋi pe oyabbe i kare ma gipwonyogi

¹⁸ Rwot dok owacci, “Wuwiny lokka wun ludiŋit, wun lutowaŋ bene wuyab waŋwu, wek wunen piny,

¹⁹ Tye ŋat mo ma wane oto calo waŋ laticca, nyo ite odin calo it lakwena ma aoro-ni? Aŋa ma waŋe oto calo waŋ danona ma doŋ otyeko dyero kwone pira, nyo ma waŋe oto calo waŋ laticca an Rwot?

²⁰ Icrael neno jami mapol twatwal, ento pe keto cwinye me nenogi maber, ite tye twolo ma romo winyo lok, ento pe winyo gin mo wacel.

²¹ Pi kit ma atir pa Rwot, en mito ni giwor cikke, wek obed ki deyo.

²² Ento man jo me rok ma doŋ giyakogi, dok gimayo limgi woko, gin ducu doŋ gicikogi woko ki bur, gikanogi woko i ot mabuc; gudoko doŋ ginayaka pa dano laboŋo ŋat ma larogi, gin doŋ mere ginayaka laboŋo ŋat mo ma waco ni, ‘Dwok cen kakare!’

²³ Aŋa i kinwu ma biciko ite ka winyo lok man, aŋa ma biketo cwinye wek cwiny pi kare ma tye anyim?

²⁴ Aŋa ma omiyo Yakobo i ciŋ ŋat ma oyake, ki Icrael i ciŋ luyak? Meno pe obedo Rwot ma wan watimo bal i nyime-ni? Pe en aye Rwot ma gukwero lubo yo ma en mito-ni; ma bene gukwero lubo cikke wokoni?

²⁵ Pi meno omiyo en ocoro Lyeto me akemone i komwa, ki tek me mony; macce olyel oromo i lobolcrael ducu, ento wan pe wamedo ki niaŋ gin ma tye ka timme, macce owaŋowa, ento pe waparo pire wacel.”