Icaya 31 - Acoli Baibul

Jo Ejipt pe gubedo Lubaŋa

¹ Jo ma cito i Ejipt ka yenyo kony gibineno can matek, jo ma guketo gengi i kom aguragura, ki i kom gadigadi me lweny, pien gipol, ki i kom wegi aguragura, pien gitek twatwal, ento pe gutiŋo waŋgi malo guneno Dat Maleŋ me Icrael, kadi ki penyo tam ki bot Rwot.

² Ento kono en ryek, dok kelo can marac twatwal i kom dano, pe dok dwoko lok ma en oloko cen” en bia ‘malo i kom jo me odi pa lutim tim maraco, ki i kom lukony dano ma lutim bal.

³ Jo Ejipt mere gin dano, pe gubedo Lubaŋa; aguraguragi bene gubedo kom mamwa, pe gin cwiny. Ka Rwot oryeyo bade, ci lami-kony bipaŋŋe litamtam, ki ŋat ma gikonyo bipotowoko piny, gin ducu gibito kacel gitum woko,

⁴ Pien Rwot owacobota kuman ni, Kit ma labwor nyo latin labwor mor kwede i kom lee ma en omako, ma kadi ilwoŋ lwak lukwat mapol ka Lweny i kome, kome pe myel ka owinyo dwangi dok bene lworo pe mako kadi giwo matek twatwal, meno aye kit ma Rwot me mony bibino kwede piny ka lweny i kom got Cion ki i kom cerene-gu ducu,

⁵ Rwot me mony bigwoko Jerucalem: kit macalo winyo Lyerre kwede: en bigwoko dok bene bilaro, en bikoyo Jerucalem, miyo bwot.

⁶ Wun jo Icrael myero wudok cen bot ŋat ma wujemo i kome magwa twatwal-li,

⁷ Pien i nino meno dano acel acel bibolo cal jogine me ryal woko kacel ki cal jogine me jabu ma onoŋo wutimo bal pi tiyogi ki ciŋwu-ni,

⁸ “Gibineko jo Aciria woko ki pala lucwan ma pe pala pa dano; pala lucwan ma pe pala pa dano bijwerogi woko lirwatrwat; gibiriŋo woko pi lworo pala lucwan, gibidiyo awobegi tektek me tiyo tic muroni mapek,

⁹ Lworo bimiyo patagi rwenyo woko, myelkom bene biweko luditogi bolo bendera woko.” Rwot ma macce tye i Cion, ki ma tanurre otwak i Jerucalem aye ma owaco.