Icaya 17 - Acoli Baibul

Lok ma gitito i kom Damaciko

¹ Man aye lok ma pire tek ma gitrto I kom Damaciko, Nen, Damaciko doŋ pe bimedde me bedo macalo gaŋ, doŋ bi doko obur matwal.

² Gaŋine ducu doŋ gibiweko gidoko tim matwal; Bibedo ka cam pa romi ki dyani-gu, ma gibibuto piny kunnu laboŋo ŋat mo ma miyo lworo makogi.

³ Cel matek birwenyo woko ki i Epraim, ker bene birwenyo woko ki Damaciko; ento jo ma gudoŋ gibibedo macalo deyo pa jo Icrael. Man lok pa Rwot me mony kikome,

Lok ma gigolo i kom Icrael

⁴ I nino meno deyo pa Yakobo bijwik woko, kome bene bijony woko.

⁵ Man bibedo kit macalo lakaa kac kayo kwede kal i poto, kun noŋo kayo wit kal ki ciŋe dok kit macalo en beko kwede wit kal ma odoŋ i luŋ me Repaim.

⁶ Nyo kit macalo gidino kwede yat jeituni, ma gin mo manoknok aye doŋ i kome, doŋ ma romo aryo nyo adek keken i wi jaŋe malo kunnu; aŋwen nyo abic keken en aye doŋ i jaŋ yat ma nyak. Man lok pa Rwot Lubaŋa me Icrael kikome.

⁷ Ka nino meno oromo, dano gibilokke bot Lacwecgi pi kony, gibiciko waŋgi kun gmeno ŋat Maleŋ ma en Lubaŋa pa jo Icrael.

⁸ Doŋ pe gibiketo gengi i kom keno tyer ma yam gutiyo ki ciŋgi, pe gibigeno gin ma gin kikomgi yam gutiyo, kadi yadi ma gipito ka ma grworo iyejok ma dako ma gilwoŋo Acera nyo keno tyer me waŋo odok eceta.

⁹ I nino meno gaŋigi matek bibedo calo wi obur pa jo Kiv ki pa jo Amor ma yam gua woko ki iye pi jo Icrael; lobogi doŋ bidoŋ nono.

¹⁰ Pien wun jo Icrael wiwu doŋ owil woko i kom Lubaŋa ma olarowu dok ma gwokowu macalo got, matek ka ma wuriŋo wularo iye. PI meno kadi bed wupit gin mogo ma yomo cwiny, dok bene kadi bed wupit yadi mogo ma gin yadi pa lubaŋa pa lurok,

¹¹ kadi wumi gutwi i nino meno ma wupitogi iye-ni, dok kadi wumiyo gituru woko i odiko ma gipitogi iye, ento pe wubikayo iye gin mo, wubibedo ki can ki arem ma pe gik keken.

¹² Koŋ wuwiny kit ma lwak me rok mapol dwangi mor kwede calo kot ma mor; gimwoc ki woo kit macalo pii nam wo kwede. Koŋ wuwiny woo pa lwak me rok mapol; giwo calo mor pa pii biamwonyi matek ma tye ka twagge.

¹³ Rok ducu gimor calo pii madit twatwal, ento Lubaŋa bijukogi, miyo giriŋo woko ka mabor; gibiryemogi woko calo cuŋ kal ma yamo tino tero i wi got malo, dok macalo apwa ma wirre i kare ma yamo kot tye ka kodo matek adada.

¹⁴ Koŋ wunen, lworo madit mada bimako dano otyeno, ento ma noŋo piny peya oru gibibedo pe! Meno aye can ma bipoto i kom jo ma giyako jamiwa ki i lobowa, meno aye dul ma gipoko botgi gin jo ma yakowa.