Icaya 12 - Acoli Baibul

Wer aryo me pwoyo Rwot

¹ I nino meno wubiwero ni, “Abipwoyi, ai Rwot, pien yam cwinyi owaŋ i koma, kinigani doŋ okwe woko, ka doŋ ikweyo cwinya.

² “Nen, Lubaŋa aye Lalarra; abigeno en, pe dok abibedo ki lworo; pien Rwot Lubaŋa aye tekka, ma apako ki wer, en doŋ odoko lalarra.”

³ Wubitwomo pii ki yomcwiny ki i waŋ it me larre.

⁴ I nino meno wubiwero wer ni: “Wupwo Rwot, wulwoŋ nyiŋe; wumi lurok guŋe gin ma co doŋ otiyo. Wutit pire, ni en Lubaŋa ma nyiŋe malo twatwal.

⁵ “Wuwer wer me pako Rwot, pien doŋ otiyo ticce ki deyo madit twatwal; wumi lok man onene i wi lobo ducu.

⁶ Wugo kijira, wuwer bene ki yomcwiny, wun jo ma wubedo i Cion, pien ŋat Maleŋ me Icrael dit i kinwu.