Icaya 10 - Acoli Baibul

¹ Jo ma keto cik ma pe atir gibineno can, ki lucoc ma gicoyo lok me uno dano;

² ma gigeŋo jo ma piny obwoyogi woko i ŋolo kop atir, ma gimayo jami pa lucan ma gibedo i kin lwakka; giyako jami pa mon ma coggi oto, ki jami pa litino kic bene gimayo woko.

³ Wubitimo gin aŋo i nino ma gibiketo iye can i komwu, i dye yamo kot ma bia ki ka mabor? Wubirtno wucito bot aŋa wek okonywu? Doŋ lonyowu kono wubiweko kwene?

⁴ Gin mo pe ma bidoŋ, kono me ŋone me donyo i kin mabuc aye, nyo to atoya i kin jo ma ginekogi i lweny. Man ducu pe okweyokiniga pa Rwot, en pud tye ka ryeyo cine aryeya i komgi.

Rwot otiyo ki jo Aciria

⁵ Jo Aciria gubedo odoo me nyuto kinigana, ki odoo me nyuto akemona mager.

⁶ Abicwalogi gicito ka lweny i kom rok ma gukwero woro Lubaŋa, abicikogi gicito i kom jo ma akemo omaka i komgi, pi yako jamigi ki coko jamigi ma guyako ki nyonogi woko piny i dye gudo calo coto.

⁷ Ento jo Aciria onoŋo pe guyubbe me timo kumeno, dok bene onoŋo pe gutamo tam macalo meno i cwin ygi; ento tamgi onoŋo tye pi nek ki pi jwero jo me rok mapol woko liweŋ.

⁸ Ladit latel wigi owacci, “Ludito wi monnya ducu pe gin luker?

⁹ Kalno pe rom aroma ki Karkemic’! Kamat kono pe rom ki Arpad? Camaria kono pe rom ki Damaciko?

¹⁰ Kit macalo ciŋa doŋ ogudo kwede ker ducu ma giworo cal jogi, ma cal jogi ma gupayo onoŋo kato pa jo Jerucalem ki pa jo Camaria woko,

¹¹ pe abitimo gin mo i kom Jerucalem ki cal jogine kit ma yam atimo i kom Camaria ki cal jogine?”

¹² Ka Rwot doŋ otyeko ticce ducu ki i Wi got Cion, ki i kom Jerucalem, biketo can i kom kabaka me Aciria pi wakkene ki nyattene ki pi Iyerrene.

¹³ Pien kabaka me Aciria owacci, “Atimo man pi tek ciŋa, ki pi ryekona, pien atye ki ŋec ma oromo. Atyeko doŋ kobo waŋ co me lobo pa lurok woko, ayako bene lwak lonyogi woko ducu, areto jo ma gubedo i wi komker macalo twon ma coro jami.

¹⁴ Onoŋo ciŋa coko lonyo pa rok mapol ma obedo yot twatwal calo ot winyo; kit ma dano gicoko kwede ton winyo ma mingi doŋ oweko woko, an bene doŋ acoko lobo woko ducu kit meno; pe tye ŋat mo ma otiŋo ciŋe, dano mo bene pe onamo doge, pe okok.”

¹⁵ Latoŋ twero wakke i kom ŋat ma tiyo kwede me toŋo yat? Nyo cumeno twero pakke kene i nyim ŋat ma tiyo kwede? Odoo pe twero tiŋo dano, dano aye tiŋo odoo, tal bene pe twero tiŋo dano malo, dano aye ma tiŋe malo.

¹⁶ Pi meno, Rwot ma en Rwot me mony bicwalo two ma jonyo kom dano woko i komjone ma gin lulweny, dok bicwinyo mac i te deyogi ci waŋ woko, bilyel calo mac.

¹⁷ Ceŋ pa jo Icrael bidoko mac, Lubaŋagi maleŋ-ŋi bidoko calo leb mac: biwaŋo okuto ki ocok tyeko woko i nino acel.

¹⁸ Deyo me buŋane ki lobo ma ceko cam matek, Rwot bityeko kwone ki kome woko ducu; bibedo calo latwo ma ojony,

¹⁹ Yadi ma bidoŋ i potone bedo nok twatwal ma latin bene bitwero coyo welgi.

Jo Icrael ma gudoŋŋe

²⁰ I nino meno jo Icrael ma gudoŋŋe, ki jo me ot pa Yakobo ma doŋ gubwot, pe dok gibijenne i kom ŋat ma opwodogi-ni, ento doŋ gibijenne i kom Rwot, ma en ŋat Maleŋ me Icrael, i ada.

²¹ Jo ma gudoŋ gibidwogo cen bot Lubaŋa Won Twer, ma gin aye jo me ot pa Yakobo ma gudoŋŋe,

²² Kadi lwakwu jo Icrael gubed macalo kweyo me dog nam, jo mogo man ok keken ki i kingi ma gudoŋ aye gibidwogo cen. Lubaŋa doŋ omoko me tyekogi woko, pien-en gire kite atir,

²³ Pien Rwot, ma en Rwot me mony, bityekogi woko ducu i lobogi kit ma en doŋ omoko,

²⁴ Meno aye gin mumiyo Rwot, ma en Rwot me mony, owaco ni, “Wun lwakka ma wubedo i Cion, pe wulwor jo Aciria ka ce gigoyowu ki odoo, ma gitiŋo odoogi i komwu kit macalo jo Ejipt yam gutimo.

²⁵ Pien doŋ odoŋ kare manoknok mo akemona bigik woko, kinigana bilokke i komgi, at yekogi woko.

²⁶ Rwot me mony biyeŋo odoo i komgi, kit macalo yam otyeko kwede jo Midian i ŋet got Oreb; en biriyo odoone i wi nam, ci tiŋo malo bene kit macalo yam otino ki i Ejipt.

²⁷ I nino meno ter mere bia woko i wi gwokwu, gibituro okolle woko ki i ŋutwu.’

Jo Aciria gitye ka dorre gibino ka lweny

²⁸ Lukwor doŋ gua woko ki i Rimon, doŋ guo i Ayat; kun giwok ki i Migron, gukano tergi i Mikmac.

²⁹ Guŋolo ki i kin godi ka madin, ci gucito gubuto i Geba; jo Rama komgi myel, jo Gibea pa Caulo doŋ guriŋo woko.

³⁰ Wudoŋ oduru matek, wun jo Gallim! Wuwiny, wunjo Laica! Wugam doggi ba, wun jo Anatot!

³¹ Jo Madmena tye ka “riŋo woko, Ki jo ma bedo i Gebim giriŋo pi laro kwogi.

³² Lukwor onoŋo doŋ gitye i Nob i nino meno, gitye doŋ ka yeŋo ciŋgi i kom got Cion, ma en aye got me Jerucalem.

³³ Nen, Rwot ma en Rwot me mony, bimiyo gipoto piny lirum ki tek ma kela lworo: jo madonone gibinunogi woko piny, ŋat mo pe ma bidoŋ ma ocuŋ malo.

³⁴ Rwot bitoŋo agaba ducu ma i buŋa ki latoŋ, kadi yadi ma pigi tek ma tye i Lebanon, gin ducu gibiretogi woko piny.