Buk me Aryo pa Moses ma Gilwoŋo Nia 39 - Acoli Baibul

Tiyo boŋŋi aruka pa ajwagi

¹ Gikwoyo boŋŋi aruka ma gitiyo mabeco ki uci ma bulu ki lamar lamar, ki makwar pi tic i kabedo maleŋ, gikwoyo boŋŋ i maleŋ pi Aron macalo Rwot ociko ki Moses.

² Otiyo epod ki jabu ki uci ma bulu ki lamar lamar ki makwar ki camanini ma giwiyo maberre.

³ Gipado jabu woko marep ki nyol, giliro odoko macalo tol me dero boŋo, kacel ki uci ma bulu, ki ma lamar lamar, ki makwar ki me dero ki boŋo camanini ma’ giwiyo maberre, ki tic me diro.

⁴ Gukwoyo gin wi gwok epod, gikubo i doge ryoryo.

⁵ Ceme ma i kome ma gicweyo ki diro, me latwene, gikwoyo ki jami lakite acellu, ki kit tic acel-lu bene, ki jabu, ki uci ma bulu, ki ma lamar lamar ki makwar ki boŋo camanini ma giwiyo maberre: macalo Rwot ociko ki Moses.’

⁶ Giyubo litino kidi onik, gimwonogi i kom jabu ma giŋweko ki diro, ma doŋ gigoro komgi macalo ladiro goro kom kidi, muporo nyiŋ awobe pa lcrael.

⁷ Omwonogi i kom gin wi gwok me epod, wek gubed kidi me po pi awobe pa lcrael, macalo Rwot ociko ki Moses.

⁸ Otimo kicaa kor ki tic me diro, macalo tic i kom epod, ki jabu ki uci ma bulu, ki ma lamar lamar, ki makwar, ki boŋo camanini ma giwiyo maberre.

⁹ Obedo ma twoke aŋwen marom; gibano i kicaa kor aryo; ka doŋ gibano iye aryo, ci borre bedo rom ki lac cin acel, ki lacce bene rom ki lac cin acel,

¹⁰ Gumwono iye litino kidi me wel ma guryeyo i tyenŋ aŋwen. Tyen mukwoŋo obedo cadiuc, topaj ki kabankel:

¹¹ i tyen me aryone giketo iye emeradi’ capir ki dayaman;

¹² i tyeŋ me adekke giketo jacint, agat ki ameticito;

¹³ ki i tyen me aŋwenne giketo berul, onik ki jacipa; gimwonogi i jabu ma giŋweko ki diro.

¹⁴ Litino kidi gubedo apar wiye aryo, muporo nyiŋ awobe pa Icrael; gubedo macalo kidi ma gigoro me agit, kun kidi acel acel gigoro iye nyiŋ, muporo kaka apar wiye aryo.

¹⁵ Dok gutimo nyor me jabu ma giliyo maber, ma giminogi macalo tol,

¹⁶ Dok gutimo gin lakwak tere aryo me jabu giŋweko ki diro, ki agit me jabu aryo, ci gukwoyo agit aryo-nu i dog kicaa kor aryo bene;

¹⁷ ka dok gurwako tol jabu aryo-nu odonyo i agit aryo ma gitye i dog kicaa kor-ri.

¹⁸ Gumwono dog tol aryo-nu ducu i kom gin lakwak tere aryo ma giŋweko ki diro-ni, gutweyo kwede i kom gin wi gwok me epod.

¹⁹ Dok gutimo agit aryo me jabu, ci gukwoyogi i twok kicaa kor aryo ducu, i doge ma tuŋ iye ma cok ki epod.

²⁰ Ci gutimo agit me jabu aryo gukubogi i gin wi gwok epod aryo anyim tuŋ tere, ka ma okubbe tuŋ malo i wi ceme me epod ma gicweyo ki diro-ni.

²¹ Ci gutweyo kicaa kor ki agitte i kom agit ma i dog epod ki tol ma bulu, wek obut opyelle i kom ceme me epod ma gicweyo ki diro-ni, wek kicaa kor pe ogonnye woko ki i kom epod; macalo Rwot ociko ki Moses,

²² Dok otimo jor me epod ma gicweyo kome ducu ki uci ma bulu.

²³ Otuco dog jor obedo twolo macalo dog boŋo aruka, ma gidolo doge orumo woko likiŋ wek pe oyeci.

²⁴ I dog jor guluno iye gin muporo okwer pomegranat munyak, ma gikwoyo ki uci ma bulu, ki ma lamar lamar, ki makwar, ki boŋo camanini ma giwiyo maberre,

²⁵ Dok gutimo olaŋ me jabu ma giliyo maber, ci gikwoyo olaŋ giŋobo kin okwer pomegranat orumo dog jor woko, onobo kin okwer pomegranat ducu;

²⁶ olaŋ ki okwer pomegranat orumo dog jor ducu kun gigwennye agwenya, i dog jor me aruka i dog tic; macalo Rwot ociko ki Moses,

²⁷ Dok gutimo kanyi ma gicweyo ki boŋo camanini maberre, ki pali me boŋo camanini ma giwiyo maberre, pi Aron ki awobene,

²⁸ ki kitambara me adwala i wic me boŋo camanini maberre ki gitok matino me boŋo camanini maberre, ki pali me boŋo camanini ma giwiyo maberre,

²⁹ ki k itambara me latwe pyer me boŋo camarum ma giwiyo maberre, ki uci ma bulu, ki ma lamar lamar, ki makwar, ma gidero maber; macalo Rwot ociko ki Moses,

³⁰ Dok gutimo akwaya jabu me lalukana maleŋ ki jabu ma giliyo maber, gigoro kome macalo agora i kom agit ni, “Maleŋ pi Rwot.”

³¹ Gutweyo tol ma bulu i kome wek gitwe girid kwede i kom kitambara adwala me wic-ci; macalo Rwot ociko ki Moses.

Jami ma gubedo i kema

³² Yam gutyeko tic i kom kema, en kema me rwatte, kit meno; jo Icrael gutyeko tic ducu macalo Rwot ociko ki Moses; gutimo kit meno.

³³ Gukelo kema bot Moses, kema ki jami ticce ducu, lwak golle ki gutine ki riine wirre ki tedi tergi;

³⁴ laa nyogi romi ma ginyoŋo, kicika me laumme;

³⁵ canduk lok me caden, ki tal latiŋŋe, ki kom me kica;

³⁶ meja ki jami ticce ducu, ki mugati me aketa i nyim Lubaŋa;

³⁷ okar-mac me jabu ma giliyo maber, ki lwak laputte ma giketo malo i wiye, ki jami ticce ducu, ki moo me mac;

³⁸ ke no tyer me jabu, moo me wir, ki odok eceta ma ŋwece kur, ki boŋo laum doggola me kema;

³⁹ keno tyer me mola, ki tal latiŋŋe, ki jami ticce ducu; otako lwok ki tedi tere;

⁴⁰ boŋo cuka me aŋaba me rumo dyekal, wirre ki tedi tergi ki boŋo laum doggaŋ me d yekal, ki lwak tol lacikgi ki lwak teke lagurgi; jami me tic kwedgi i kema, pi kema me rwatte;

⁴¹ ki boŋŋi aruka ma gitiyo mabeco me tic i kabedo maleŋ, bomji aruka maleŋ pi ajwaka Aron, ki boŋŋi aruka pi awobene pi ticgi me bedo ajwagi.

⁴² Macalo Rwot ociko ki Moses, jo Icrael gutiyo gutyeko tic ducu kit meno,

⁴³ Moses oneno tic ducu, ci nen, gutiyo tic kikome; macalo Rwot onoŋo ociko, gutiyo tic ducu kakare. Ci Moses olamo gum i komgi.