Buk me Aryo pa Moses ma Gilwoŋo Nia 26 - Acoli Baibul

Kema

¹ “Doki ibitiyo kema ki boŋo cuka apar me boŋo camanini ma giwiyo maberre, ki uci ma bulu ki ma lamar lamar ki makwar; ibicweyo iye cal lukerubi ma gitiyogi ki diro

² Bor boŋo cuka acel acel obed ms romo yadi apar wiye aŋwen, ki lac me boŋo cuka acel acel obed ma romo yat lalwii, ci imwon komgi woko ki yadi aryo; boŋo cuka ducu gibibedc marom,

³ Boŋo cuka abic gibiribog kacel, ki boŋo cuka abic mukene bene gibiribogi kacel,

⁴ Kwo waŋ jarara ma bulu i dog boŋo cuka me dul mukwoŋo me agikk i; ka dok ibikwoyo waŋ jarara i dog boŋo cuka me dul me aryone me agikk i, ma rom ki wadi.

⁵ Kwo waŋ jarara pyerabic i dog boŋo cuka acel acel, ki waŋ jarara pyerabic i dog cuka me aryone kun waŋ jarara bikemme ki wadi.

⁶ Ibitiyo jarara gol me jabu pyerabic me ribo dog boŋo cuka i kom lawote pi golo wad i wek kema obed mukubbe kacel likiŋ.

⁷ “Ibit iyo cuka me yer dyegi me laum wi kema; ibitimo cuka apar wiye acel.

⁸ Bor cuka acel acel obed ma romo yadi apar wiye abic, ki lac me cuka acel acel obed ma romo yadi aryo; cuka apar wiye acel-li ducu gubed marom.

⁹ Ibiribo cuka abic kacel pat kengi, ki cuka abicel bene ibiribo pat kengi, dok cuka me abicelle ibibamo idolo iye aryo i nyim kema.

¹⁰ Kwo waŋ jarara pyerabic i dog cuka me dul mukwoŋo me agikki, ka dok ikwo waŋ jarara pyerabic i dog cuka me dul me aryone me agikk i.

¹¹ “Dok ibitiyo lagol me mola me aroya i waŋ jarara, irib ki kema, wek obed mukubbe kacel likiŋ,

¹² Dul cuka me kema ma odon, en nucu cuka mudoŋŋe, bipyelle i ŋe kema.

¹³ Futi acel ki nucu tuŋ cel ki futi acel ki nucu tuŋ cel bene, en bor me cuka mudoŋŋe, bipyelle i but kema tuŋŋi ki tuŋŋi me umone.

¹⁴ Dok ikwo laa romo ma ginyoŋo, ki laa dyegi me umo wi kema.

¹⁵ “Ibitiyo guti me bao yat lalwii, ma ocun atir, pi kema.

¹⁶ Bor gut i obed futi apar wiye abic ki lacce futi aryo, i kom guti acel acel.

¹⁷ Wek tyene aryo i kom guti acel acel, me kubogi kacel; ibitiyo guti me kema ducu kit meno,

¹⁸ Ibitiyo guti me kema, guti pyeraryo i tuŋ acuc;

¹⁹ dok ibitiyo tedi tergi me ryal ma romo pyeraŋwen pi guti pyeraryo-nu, tedi tere aryo pi guti acel pi tyene aryo, ki tedi tere aryo pi guti mu kene pi tyene aryo,

²⁰ Ki pi kema tuŋ me aryone, ma tuŋ acam, obed guti pyeraryo,

²¹ ki tedi tergi me ryal ma romo pyeraŋwen, tedi tere aryo pi guti acel, ki tedi tere aryo pi guti mukene.

²² Ki pi ne kema ma tuŋ potoceŋ bene iti guti abicel.

²³ Ti guti aryo me twok kema ma i ŋeye;

²⁴ gibipoko kingi ki tuŋ piny ento giribo doggi ki tuŋ wrgi malo i kom agut mukwoŋo; gin aryo ducu gibibedo kit meno, ci twoke bibedo aryo.

²⁵ Guti bibedo aboro, ki tedi tergi me ryal, tedi tergi apar wiye abicel, tedi tere aryo pi guti bao acel, ki tedi tere aryo pi gut i bao mukene.

²⁶ “Dok ibitiyo rii me bao yat lalwii abic pi guti me kema tuŋ cel,

²⁷ ki rii bao abic pi guti me kema tuŋ mukene, ki rii bao abic pi guti me kema me ŋeye tuŋ potoceŋ,

²⁸ Rii bao ma i dyere, ma ŋolo kor guti ari, bia ki i agikk i tuŋ cel nio i agikki tuŋ mukene,

²⁹ Ibimwono kom guti woko ki jabu, dok ibitiyo agit me rwako iye rii bao, ibimwono rii bao bene ki jabu,

³⁰ Gur kema i kit ma yam ginyutti i wi got.

³¹ “Ibikwoyo boŋo kicika ki uci ma bulu ki ma lamar lamar ki makwar, ki boŋo camanini ma giwiyo maberre; gibicweyo iye cal lukerubi ki tic me diro.

³² Ibiŋabo i kom wir aŋwen me bao yat lalwii ma gimwono komgi woko ki jabu, ma tye iye gol jabu, ma ocuŋ i kom tedi tergi me ryal aŋwen.

³³ Ŋab boŋo kicika ki jarara lagolle. Kel canduk lok me caden kunnu ki i boŋo kicika, ci boŋo kicika bipoko kin kabedo maleŋ ki kabedo maleŋ makato ducu.

³⁴ Ka doŋ iket kom me kica i wi canduk me cik i kabedo maleŋ makato ducu.

³⁵ Ket meja ki woko i ŋe boŋo k icika, ki okar-mac iket tuŋ acuc me kema, ma okemo meja; ibiketo meja tuŋ acam.

³⁶ “Dok ikwo boŋo cuka Laum doggola me kema ki uci ma bulu ki ma lamar lamar ki makwar, ki boŋo camanini ma giwiyo maberre, ma gidero maber.

³⁷ Ti wir abic me boŋo cuka laum doggola ki bao yat lalwii, ci imwon komgi woko ki jabu; golgi bibedo me jabu, dok ibiliyo tedi tergi me mola abic,