Buk me Aryo pa Moses ma Gilwoŋo Nia 25 - Acoli Baibul

Giciko jo Icrael pi tyero mot

¹ Rwot owaco bot Moses ni,

² “Wac bot jo Icrael ni gujogga gityer, ci gugam gityer pa dano ducu ma gukelo ma cwinygi opwoyo.

³ Man aye kit gityer ma wubigamo ki botgi: jabu, ryal, mola;

⁴ uci ma bulu, ki ma lamar lamar, ki makwar, ki boŋo camanini maberre; yer dyegi,

⁵ laa nyogi romi ma ginyoŋo, laa dyegi; bao yat okuto lalwii:

⁶ moo me mac tara, aŋwece me yubo moo wir ki pi odok eceta ma ŋwe kur;

⁷ litino kidi onik litino kidi me wel me amwona i kom jabu pi epod ki kicaa kor.

⁸ Ber gu yubba kabedo maleŋ wek abed i kingi

⁹ Wuti gin ducu kun wulubo kit cal ma abinyutti, ma dok i kom timo kema ki jami ma giketo iye ducu.

Canduk lok me caden

¹⁰ “Gibipayo canduk ki bao yat lalwii; borre obed futi aŋwen, ki lacce futi aryo, ki borre tuŋ malo futi aryo.

¹¹ Mwon kome woko ki jabu ma giliyo maber, mwon iye ki ŋeye bene. Lul doge ducu irum woko ki jabu.

¹² Ti agit me jabu aŋwen pire, iketgi i kom tyene aŋwen: ket agit aryo tuŋ cel ki aryo mukene tuŋ cel.

¹³ Ti tal me yat lalwii, imwon komgi woko ki jabu.

¹⁴ Rwak tal i agit ducu ma tye i but canduk, me tiŋo canduk.

¹⁵ Tal gibibedo i agit ma i kom canduk-ki matwal, pe gibiwotogi woko.

¹⁶ Kidi ma apada ma gicoyo iye lok me caden ma amiyi-ni ibiketogi i canduk.

¹⁷ Dok ibitiyo kom mekica kijabu ma giliyo maber; borre obed futi aŋwen, ki lacce futi aryo.

¹⁸ Ti cal lukerubi aryo ki jabu kun itetogi ki nyol, i kom agikki kom me kica aryo ducu.

¹⁹ Ti cal lakerubi acel i agikkine tuŋ cel; ki acel i agikkine tuŋ cel; ti cal lukerubi kun gikubbe i kom me kica-ni i agikkine aryo ducu.

²⁰ Lukerubi gibiyaro bwomgi malo me umo kom me kica ki bwomgi, kun waŋgi kemo lawote; waŋ Lukerubi binen kun kemo kom me kica.

²¹ Ibicibo kom me kica cuŋ i wi canduk, ci iket lok me caden ma abimiyo boti-ni i canduk.

²² An abirwatte kwedi kunnu, ci abilok kwedi ki malo i wi kom me kica, ki i kin lukerubi ma gitye malo i wi canduk lok me caden-ni, kun aloko kwedi i kom cik ducu ma abimiyi pi jo Icrael.

Meja me cano mugati ma giketo i nyim Rwot

²³ “Ti meja ki bao yat lalwii; borre obed futi adek, ki lacce futi acel ki nucu, ki borre tuŋ malo futi aryo.

²⁴ Mwon kome woko ki jabu ma giliyo maber, dok ilul doge ducu, irum woko ki jabu,

²⁵ Ket riine ma lacce rom ki dye ciŋ, ilul dog rii ki jabu orum woko.

²⁶ Dok itim agit me jabu aŋwen pire, ci imwon agit i twoke aŋwen ducu, i tyene aŋwen,

²⁷ Agit bibuto i kom rii, ci ibirwako iye tal me latin meja.

²⁸ Ti tal ki jabu; gibitiŋo meja ki tal meno.

²⁹ Dok iti caanine, ki ata bone me odok eceta, ki cupane ki werre me liyo gityer amate ibitimogi ki jabu ma giliyo mabe

³⁰ Ibicano mugati me aketa i nyima i wi meja jwijwi.

Okar-mac me jabu

³¹ “Dok ibitiyo okar-mac ki jabu m giliyo maber. Tedi okar-mac ki bolle gibiteto ki nyol; kikopone, en aye wen ki ature ducu, gibikubbe kwede kacel.

³² Jaŋe bibedo abicel ma gujany guryey gukaco ŋete ryoryo, jaŋ okar-mac ade ma guryeyo i bute tuŋ cel, ki jaŋ okai mac cadek ma guryeyo i tuŋ mukene-ni.

³³ I kom jaŋe tuŋ cel bibedo iye kikop adek ma gitimo macalo tur yaa, ku; acel acel tye ki wene ki ature, ki i kor jaŋe tuŋ mukene bene bibedo iy kikopo adek ma gitimo macalo tu yaa, kun acel acel tye ki wene ki ature jaŋe abicel ducu ma guryeyo gukac okar-mac-ci gibibedo kit meno.

³⁴ Ka dok i kom okar-mac kikome-ni bibedi iye kikopo aŋwen ma gitimo macalo tu yaa, ki wengi ki aturegi,

³⁵ ki wene ma; okubbe i kom okar-mac-ci i te jaŋe abicel ma’ guryeyo ryoryo i kom okar mac.

³⁶ Wengi ki jaŋgi gubed ma gu kubbe kacel, kun kome ducu bedo jabi ma giliyo maber ma giteto ki nyol

³⁷ Ci doŋ ibitiyo pire mac laput abiro gicib mac laput malo i wiye wek omen: kabedo ma i nyime.

³⁸ Magacce ki caanine bibedo me jabu ma giliyo maber.

³⁹ Giyub okar-mac kacel ki jami tic magi ducu ki jabu ma giliyo maber ma pekke romo ratili miya acel.

⁴⁰ Dok ber inen ni itimogi i kit cal ma gibenyutti ki i wi got-ti.