Buk me Aryo pa Moses ma Gilwoŋo Nia 22 - Acoli Baibul

Cik mapatpat ma mako culo waŋ jami

¹ “Ka ŋatti mo akwalo twon mo nyo romo mo, ce oneko woko nyo ocato woko, ci biculo twoni abic pi twon acel, ki romi aŋwen pi romo acel, En biculo waŋe; ka gire mo pe, ci gibicate woko, wek gicul kwede lim ma ekwalo.

^2-4 Ka lim makwo ma gikwalo ginoŋo bot lakwalone makwo, kadi bed twon nyo kana nyo romo, ci biculo ma dodo kiryo. “Ka lakwo ginoŋo ka turo ot, ce gigoyo gineko woko, ci pe gibiculo remo pa lato; ento ka ce ginone iye ma ceŋ doŋ otuc, ci gibiculo kwor pi remone.

⁵ “Ka ŋatti mo omiyo limme makwo gucamo poto cam nyo poto olok, nyo owekogi ocodo tol, ci gucamo poto pa dano mo, ci en biculone ki mere mabecone ma i potone ki i poto olokke.

⁶ “Ka mac ocako waŋ ce ogamo okuto, ci owaŋo kal ma giduro nyo kal ma peya gikayo, nyo owaao poto ducu otyeko woko, ci lacwiny mac biculone ducu.

⁷ “Ka ŋatti mo omiyo lim me akana bot lawote, nyo jami me agwoka, ka gikwalo woko ki i ot pa dano meno, ka dok lakwo meno ginoŋo, ci biculo ma dodo kiryo.

⁸ Ka pe ginoŋo lakwo, ci won ot bicito cok bot Lubaŋa, pi nyuto ka en kikome aye oketo ciŋe i kom jami pa lawote, nyo pe.

⁹ “Ka bal mo opoto, kadi bed pi twon, pi romo, pi boŋo, nyo pi kit gin mo murwenyo ka ŋat acel mo otuco ni, ‘Man aye en,’ ci kop ma i kin jo meno gibiketo i nyim Lubaŋa; ŋat ma Lubaŋa oŋolo kop oloye biculo lawote lim ma dodo kiryo.

¹⁰ “Ka ŋatti mo omiyo kana nyo twon nyo romo nyo lee mo me akana bot lawote, ce oto woko nyo gigoyo nyo giryemo orwenyo woko, ma ŋatti mo pe oneno,

¹¹ ci en bikwon ki nyiŋ Rwot, wek ginen ka pe en kikome aye oketo ciŋe i kom jami pa lawote; rwode myero oye kwon meno, en pe biculone.

¹² Ento ka gikwalo ki bote, ci en biculo rwode.

¹³ Ka ŋuu aye om wodo, ci en okel gin me moko lokke; ci en pe biculo gin ma ŋuu aye omwodo,

¹⁴ “Ka ŋatti mo oomo lim makwo bot lawote, ce gigoyo nyo oto woko, ma rwode pe tye, ci myero ocul waŋe atir.

¹⁵ Ka onoŋo rwode bene tye, ci pe biculo waŋe: ka yam obino pi awak, ci cul me awak biromo. Cik mapapat ma mako kit ki dini

¹⁶ “Ka ŋatti mo obito nyako mo ma peya oneyo co, ma pe gitoŋo keny i kome, ce obedo kwede, ci myero okol lim me keny me nyome, ci oter obed dakone.

¹⁷ Ka wonne okwero woko matek pi nyare, ci en biculo wei lim ma romo nyomo nyako ma peya oneyo co.

¹⁸ “Pe iwek dako ma latal obed makwo.

¹⁹ “Ŋat ma obuto ki lee ce ginek woko.

²⁰ “Ŋat ma otumo gitum bot Iubaŋa mo, ma pe bot Rwot, gibidyere woko me aneka.

²¹ “Pe itim labedo ma bedo i kinwu marac, nyo pe iune bene, pien yam wun bene wubedo lubedo i lobo Ejipt.

²² Pe wuket giŋi kom daa-to mo nyo latin kic mo.

²³ Ka iketo giŋi komgi, ce gukok bota, ci abiwinyo kokogi ada.

²⁴ Akemo bimaka matek, ci abinekowu ki pala lucwan, ci monwu bene gibidoko mon-to ki litinowu bene gibidoko litino kic,

²⁵ “Ka imiyo danona mo ma bedo i kinwu omako limmi ma en lacan, pe ibed kwede macalo labanyani, dok pe ipeny magoba mo ki bote.

²⁶ Ka lawoti ojeŋo boŋone boti, ci ber idwokke ma ceŋ peya opoto;

²⁷ pien giumme eno keken, boŋo ma umo kome; en dok bibuto ki gin aŋo? Ka en okok bota, ci abiwinyo, pien an lakica.

²⁸ “Pe iyet Lubaŋa, nyo pe icen ladit ma loyo wun lwak.

²⁹ “Pe igalle ki tyero jami ma ikayo opoŋo deroni kacel ki yino ki mooni bene, “Ibityero litino awobe kayo, imiyogi bota.

³⁰ Ibikelo twoni meri ki nyogi romi bene kit meno, Gubed ki megigi nino abiro, ka ibimiyogi bota i kom nino me aborone,

³¹ “Wubibedo jo maleŋ ma gikwerogi pira: pienno pe wucam riŋo ma ŋuu omwodo i t im; wubol woko ki gwogi.