Buk me Aryo pa Moses ma Gilwoŋo Nia 14 - Acoli Baibul

Ŋolo Nam Makwar

¹ Rwot dok owaco bot Moses ni,

² “Tit ki jo Icrael gudok cen ki ŋegi, wek gugony i nyim Pi-akirot i kin Migdol ki nam, i nyim Baal-jepon; wubigony mukemo en i ŋet nam.

³ Pien Parao bilok pi jo Icrael ni, ‘Gin pud gitye ka dwalle atata i lobo; tim pud otweyogi woko.’

⁴ Abijiŋo cwiny Parao doko nwaŋ, ci en biryemo korgi, ci abinoŋo deyo i kom Parao ki monnye ducu; miyo jo Ejipt gibiŋeyo ni an a Rwot.” Ci gutimo kit meno.

⁵ Ka gitito bot kabaka me Ejipt ni jo Icrael gutyeko riŋo gulwi woko, ci Parao kabaka me Ejipt ki luticce guloko cwinygi i komgi kun giwacci, “Man watimo gin aŋo ma waweko jo Icrael gua woko ki i dog ticwa, gucito woko-ni?”

⁶ Kit meno ocako yubo gadigadine me lweny, oywayo wi monnye,

⁷ ci otero gadigadi ma oyero miya abicel, ki gadigadi pa jo Ejipt mukene ducu kacel ki ludito luwigi ducu.

⁸ Ci Lubaŋa ojiŋo cwiny Parao kabaka me Ejipt odoko nwaŋ, oryemo kor Jo Icrael macalo yam gutwarre magwa, gucito woko-ni.

⁹ Jo Ejipt guryemo korgi, aguragura pa Parao ducu ki lwak gadigadi, ki wegi aguragura ki monnye ducu, ci gumakogi ka ma gugony iye i ŋet Pi-Kakirot, ma i nyim Baal-jepon,

¹⁰ Ka Parao odiŋo korgi cok, jo Icrael gutiŋo waŋgi, ci nen, jo Ejipt gitye ka lubo korgi; ci gubedo ki lworo madwoŋ. Jo Icrael gukok matek bot Rwot,

¹¹ kun guwaco bot Moses ni, “Pien ineno ni Lyel pe i Ejipt mumiyo ikelowa kany wek wato woko i dye tim? Doŋ itimowa gin aŋo, pi kwanyowa woko ki i Ejipt?

¹² Pe yam walokki man i Ejipt ni, ‘Doŋ iwek yelowa, wek doŋ wat i ki jo Ejipt’? Twora kono yam watiyo ki jo Ejipt, makato ma wato woko i dye tim ata,”

¹³ Ci Moses owaco bot lwak ni, “Pe wulwor wucuŋ matek, ci wubineno kit ma Rwot bilarowu kwede tin; pien jo Ejipt ma tin wunenogi-ni pe doŋ wubinenogi matwal.

¹⁴ Rwot bilweny piwu, wun wubed mewu mot apira.”

¹⁵ Rwot openyo Moses ni, “Ikok bota piŋo? Tit bot jo Icrael guwot anyim.

¹⁶ Tin odooni malo, ci irye ciŋi i wi nam, ipok iye woko, wek jo Icrael guwok i dye nam i lo bo mutwo.

¹⁷ Abijiŋo cwiny jo Ejipt doko nwaŋ, wek gin bene gulub korwu, ci abinoŋo deyo i kom Parao kacel ki monnye, ki gadigadine, ki wegi aguragurane,

¹⁸ Jo Ejipt gibiŋeyo ni an a Rwot, ka doŋ atyeko limo deyo i kom Parao ki gadigadine, ki wegi aguragurane.”

¹⁹ Ka lamalaika pa Lubaŋa ma yam woto i nyim mony pa jo Icrael oa odok ocego ŋegi; ki wir me pol bene oa ki inyimgi, odok ocun i ŋegi.

²⁰ I obino oridde i kin mony pa jo Ejipt ki mony pa jo Icrael, Pol ocego kunnu ki mutu macol; ci dyewor meno ducu mony tun cel pe orwayo cok ki lawote nio ka piny oru.

²¹ Moses oryeyo cine i wi nam; Rwot odanyo dye nam woko, odiro pii woko wa ceŋ ki yamo matek mua wokceŋ mukodo i dyewor ducu, omiyo nam odoko lobo mutwo, ki i pii opokke woko.

²² Jo Icrael guwot o i dye nam i lobo mutwe, pii otiŋŋe odoko kicika yo tuŋ ciŋgi acuc ki yo tuŋ acam.

²³ Jo Ejipt guryemo korgi, ci gudonyo i korgi i dye nam; aguragura pa Parao ducu, ki gadigadine, ki wegi aguragurane,

²⁴ I kare ma gikuro rupiny, Rwot onoŋo tye i wir me mac ki me pol kun neno mony pa jo Ejipt. Obano kom mony pa jo Ejipt woko,

²⁵ kun mako lawala me gadigadigi woko, mumiyo guywaŋe mot. Ci jo Ejipt guwacci, “Wek wariŋu walwiyu woko ki i nyim jo Icrael; pien Rwot tye ka lweny i kom jo Ejipt pigi.”

²⁶ Rwot dok owaco bot Moses ni “Rye ciŋ i i wi nam, wek pii odwog cel kom jo Ejipt, i kom gadigadigi, ki I kom wegt aguraguragi.”

²⁷ Kit meno Moses otiŋo ciŋe i wi nam, dwogo cen kun mol i kit m ma piny tye ka ru-ni. Jo Ejipt gucorre i iye, ci Rwot orido wi jo i dye nam.

²⁸ Ka pii odwogo gadigadi ki wegi aguragura Parao ducu ma yam gulul i nam-mi; pe tye ŋat mo a acel ma obwot i kingi.

²⁹ Ento jo Icrael gu mutwo ki i dye nam, kur kieikagi yo tun ciŋgi aew acam.

³⁰ Kit meno Rwot yam olaro jo Icrael ki i ciŋ jo Ejipt i nino meno, ci jo Icrael guneno kom jo Ejipt ma guto i dog nam.

³¹ Ka jo Icrael matek ma Rwot otimo i ki ci dano gudworo Rwot; omiyo guye Rwot ki laticce Moses.