Buk me Aryo pa Moses ma Gilwoŋo Nia 12 - Acoli Baibul

Kato (Paska)

¹ Rwot owaco bot Moses Aron ki i lobo Ejipt ni,

² “Dwe man aye bibedo dwewu mukwo bibedo dwewu mukwoŋo i mwaka.

³ Tit bot lwak jo Icrael ducu ni, i k nino dwe apar me dwe man, dano a acel bikwanyo latin romo, mac doggola pa kwarogi tye kwede, la romo acel pi ot acel acel.

⁴ Ka ot mo tidi, ma pe romo tyeko riŋo latin ror ci won ot meno ki ladoggolane ma ode cok kwede gibikwanyo, ma romo wel dano ma gitye kwede. Wubikwanyo latin romo ma oporo kit ma dano acel camo kwede.

⁵ Latin romowu obed ma kome pe ki mwonyo, nyok ma ditte romo mwaka acel ma wukwanyo ki kin romi nyo ki i kin dyegi,

⁶ Wugwok nio wa i nino dwe apar wiye aŋwen me dwe-ni ka lacen, ka lwak jo Irael ducu gucokke kacel, gibineko romigo otyeno.

⁷ Guter remo manok, gucwiny i kom okar me doggola ryoryo, ki i kom rii wiye malo i dog odi ma gicamo iye-ni.

⁸ Gucam riŋo i dyewor meno, ma gibulo abula; gucam ki mugati ma tobi pe iye, ki pot dek mogo makec.

⁹ Pe wumwod mo manumo, nyo ma gitedo ki pii, ento gibul abula, wiye kacel ki tyene ki jam iye.

¹⁰ Pe wuwek gin mo odoŋ nio odiko; ka gin mo odoŋ nio odiko, ci wubiwaŋo woko.

¹¹ Wubicamo kit man: wubitweyo pyerwu, wuruko war i tyenwu, ki odoo i ciŋwu; wubicamo aruya. En aye Kato (Paska) Rwot.

¹² Pien abibaro dye lobo Ejipt i dyewor meno, abineko litino kayo ducu ma i lobo Ejipt, pa dano ki pa lee; ci abiŋolo kop i kom lubaŋa ducu pa jo Ejipt; an a Rwot.

¹³ Remo bibedo lanyut mewu, i kom odi ma wutye iye; ka aneno remo, ci abikato lamalo ka wiwu. Pe gemo mo bipoto i komwu ma binekowu, i kare ma abipwodo iye lobo Ejipt.”

¹⁴ “Nino man bibedo nino me poyo pe wiwu ma wubigwoko me bedo nino madit bot Rwot; wubikwero wun ki likwayowu obed cik matwal:

¹⁵ Wubicamo mugati ma pe girubo rye tobi pi nino abiro; i kom nino mukwoŋo wukwany tobi ki i ot, wuony woko. Ka ŋatti mo bicamo mugati ma tobi tye iye, nia i nino mukwoŋo nio wa i nino me abiro, dano-nu waŋe birwenyo woko ki i kin jo Icrael.

¹⁶ I kom nino mukwoŋo wubibedo iye ki gurre maleŋ; ki i nino me abirone bene wubibedo iye ki gurre maleŋ; pe gibitiyo tic mo i nino meno ducu; ento gin ma dano ducu camo, meno aye wuyubi,

¹⁷ Wubikwero nino madito me Mugati ma Tobi Pe Iye, pien i kom nino meno kikome yam akwanyo iye bucawu ki i lobo Ejipt; mumiyo wubikwero nino meno, wun ki likwayowu ducu, obed cik matwal.

¹⁸ I dwe mukwoŋo, i kom nino dwe apar wiye aŋwen otyeno, wubicamo mugati ma pe girubo iye tobi, nio wa i nino dwe pyeraryo wiye acel otyeno,

¹⁹ Pe ginoŋ tobi mo i odiwu i kom nino abiro-ni; pien ka ŋatti mo bicamo gin ma girubo iye tobi, dano meno waŋe birwenyo woko ki i kin lwak pa jo Icrael, kadi bed en labedo nyo anywalli me lobo,

²⁰ Pe wubicamo gin mo ma girubo iye tobi; ka ma wubibedo iye ducu wubicamo mugati ma tobi pe iye.”

²¹ Moses olwoŋo ludoŋo pa jo Icrael ducu, owaco botgi ni, “Wuyer litino romi muporo doggolawu, ci wunek latin romo me Kato (Paska),

²² Wukwany dog anyero, wulut i remo ma tye i becen, wucwiny i kom rii doggola ki i kom okar me doggola ryoryo, kun wuluto i remo ma tye i becen-ni; dok ŋatti mo i kinwu pe okat woko ki i doggola ode nio wa odiko,

²³ pien Rwot bikato cito ka neko jo Ejipt. Ka en bineno remo i kom rii doggola, ki i kom okar me doggola, ci Rwot bikato donyo i odiwu ka nekowu.

²⁴ Wugwok lok man obed cik piwu ki pi likwayowu matwal.

²⁵ Ka wubio i lobo ma Rwot bimiyowu, macalo yam ociko, ci wubilubo kit tic man,

²⁶ Ka litinowu gibipenyowu ni, ‘Kit tic man te lokke aŋo?’

²⁷ ci wubiwacogi ni, ‘Man gitum me Kato (Paska) pa Rwot, pien yam okato lamalo i wi odi pa jo Icrael i Ejipt, i kare ma oneko jo Ejipt, ci obwoto odiwa.’ ” Ci dano gukulo wigi piny, guworo Lubaŋa.

²⁸ Jo Icrael gucito gutimo kit meno; macalo Rwot ociko Moses ki Aron, gutimo kit meno.

Gemo me agikki: To pa litino kayo

²⁹ I cwiny dyewor, Rwot oneko litino kayo ducu ma i lobo Ejipt: okwoŋo ki i kom latin kayo pa Parao ma yam obedo i komkerre, oo kwede wa i kom latin kayo pa ŋat ma giyako ma tye i ot kol, ki litino kayo pa lim makwo ducu.

³⁰ Parao oa malo i dyewor, en ki luticce ducu ki jo Ejipt ducu; koko obedo malik mada i Ejipt, pien pe odoŋ ot mo ma dano pe oto iye.

³¹ Parao olwoŋo Moses ki Aron ki i dyewor, ci owaco ni “Wua, wucit woko ki i kin lwakka, wun kacel ki jo Icrael ducu; wuciti, wuti bot Rwot, kit macalo wuwaco-ni.

³² Wucit ki romiwu ki dyaŋiwu kit macalo wuwaco-ni, wucit giwu; wulamma gum bene!”

³³ Jo Ejipt gubedo ka ruyo dano pi cwalogi woko ki i lo bo pi oyotoyot; gubedo ka lok ni, “Wato doŋ, watum woko ducu.”

³⁴ Kit meno omiyo dano gutiŋo moko ma peya girubo iye tobi, gutweyo otako lanywaŋne ki boŋo umgi, gutiŋo kwede i wi gwokgi.

³⁵ Jo Icrael gutiyo kit macalo nene Moses ocikogi, gubedo ka lego atego ryal ki atego jabu, ki boŋo, ki bot jo Ejipt.

³⁶ Rwot omiyo gunoŋo gum i nyim jo Ejipt, ci gubedo ka miyogi gin ma gulego. Guyako jo Ejipt kit meno.

Luicrael gua woko ki i Ejipt

³⁷ Jo Icrael gucako wotgi nia ki i Ramcec nio i Cukot; co ma guwoto ki tyengi guromo alip miya abicel, ma pe iye mon ki litino.

³⁸ Ki lwak kwa rok murubbe bene gucito kwedgi, ki lwak lim makwo mapol twatwal, romi-gu ki i wi doggola lamalo, pe biye lanek dyani-gu.

³⁹ Ci gutedo capat ki moko ma gunyobo i otako laboŋo tobi ma gutero i kare ma gua ki i Ejipt, pien onoŋo pe girubo iye tobi; pien gibedo ka cwalogi wo ko ki tek nia ki i Ejipt, kun pe doŋ gitwero dikke, pe bene guyubo peke megi.

⁴⁰ Kare ma jo Icrael gubedo kwede i Ejipt oromo mwaka miya aŋwen ki pyeradek.

⁴¹ I agikki me mwaka miya aŋwen ki pyeradekke, i kom nino meno kikome, en aye mony ducu pa Rwot omol iye oa woko ki i lobo Ejipt,

⁴² En aye obedo dyewor ma Rwot okuro iye kare me kwanyogi woko ki i lobo Ejipt, dyewor meno en aye dyewor ma jo Icrael, gin ki likwayogi ducu, gikuro iye Rwot

Cik mukene ma mako Kato (Paska)

⁴³ Ci Rwot owaco bot Moses ki Aron ni, “Man aye cik ma maka Kato (Paska): pe Larok mo bicamo;

⁴⁴ ento opii ducu ma yam giwilo ki lim bicamo ka onoŋo doŋ gityeko lirogi.

⁴⁵ Labedo mo nyo lapakaca mo pe bicamo.

⁴⁶ Wubicamo ki i ot acel; pe wubikato ki riŋo mo woko nia ki i ot, cogone bene pe gibituro iye.

⁴⁷ Lwak jo Icrael ducu gibikwero nino man,

⁴⁸ Ka larok mo bedo i kinwu ce mito kwero Kato (Paska) bot Rwot, wek koŋ gilir kom co ducu ma tye bote, ka doŋ onyik cok ka lubo kite; eh doŋ bedo macalo anywalli me lobo. Ento dano ma pe giliro pe camo,

⁴⁹ Cik bibedo acel pi anywalli ki pi lurok ma bedo i kinwu.”

⁵⁰ Ci jo Icrael ducu gutimo kit meno; macalo yam Rwot ociko Moses ki Aron, gutimo kit meno.

⁵¹ I kom nino meno kikome aye yam Rwot okwanyo iye mony pa jo Icrael woko ki lobo Ejipt ki bucagi.