Esta 6 - Acoli Baibul

Gidiyo Aman pi miyo deyo bot Mordekai

¹ I dyewor meno kabaka pe onino; ci en omiyo cik ni myero gikel buk me po gin mabeco ma jo mogo gutiyo, buk me tekwaro, ci gikwano i nyim kabaka.

² Ci gucako noŋo ka ma yam Mordekai otito iye lok i kom Bigitana ki Terec, jo aryo ma gikologi ma gigwoko doggola pa kabaka ma guyenyo yo me neko kabaka Akacwero.

³ Ci kabaka openyo ni, “Woro aŋo nyo dit aŋo ma gimiyo ki Mordekai pi gin ma en otiyo-ni?” Lutic pa kabaka gugamo ni, “Pe gimiye gin mo,”

⁴ Ci kabaka openyo ni, “Aŋa ma tye i dyekal?” Aman aye pud odonyo i dyekal ma woko i gaŋ kal kun mito tito ki kabaka pi deyo Mordekai, i yat ma en oyubo pi deyone.

⁵ Lutic pa kabaka gugamo ni, “Aman ocuŋ i dyekal ca.” Kabaka owacci, “Wulwoŋe obin kany.”

⁶ Ci Aman obino, kabaka openye ni, “Myero gitim aŋo ki dano ma kabaka maro keto deyo i kome?” Aman otamo ni, “Man aŋa ma kabaka twero maro miye deyo makato an-ni?”

⁷ Aman odok iye ki kabaka ni, “Dano ma kabaka maro kelo deyo i kome,

⁸ myero gikel jor me ker ma kabaka oruko ki aguragura me ker ma kabaka riŋo kwede, ma giruko lalukana i wiye giruke kwede.

⁹ Jor ki aguragura myero giket i ciŋ dano madit me awora pa kabaka, wek en oruk dano ma kabaka maro keto deyo i kome-ni, ci ocit kwede i dye bar malac me gaŋ madit, kun noŋo obedo i wi aguragura, ka tito i nyim dano ducu ni, ‘Man aye kit ma gibitimo ki dano ma kabaka maro keto deyo i kume:”

¹⁰ Kabaka owacci, “Rune oyot, Aman, iom jor ki aguragura kit macalo iwaco, tugi tiyo kit meno i kom Mordekai Lajudaya ma bedo i dog ticca-ni, Pe iwek gin mo odoŋ i kom jami ducu ma ikwanogini.”

¹¹ Ci Aman okwanyo jor ki aguragura, ocako ruko Mordekai, ocito kwede i aye bar malac me gaŋ madit, kun Mordekai obedo wi aguragura, ci obedo ka tito ki dwan maloŋo ni, “Man kit ma gibitimo ki dano ma kabaka maro keto deyo i kome!”

¹² Lacen Mordekai odok i dogcel pa kabaka. Ento Aman orune me dok i gaŋe kun kumo, ma oumo wiye woko.

¹³ Ci Aman ocako tito ki dakone Jerec ki bot lureme ducu gin ducu mutimme i kome. Lacen jo ma miye ryeko, kacel ki ki dakone, guwacce ni, “Ka Mordekai ma koni doŋ ocako loyi ki dit obedo Lajudaya, pe itwero pyem kwede, ento ibipoto i rwom ma piny twatwal i nyime.”

¹⁴ Ma pud giloko kwede, cutcut luor pa kabaka ma gikologi gutuc guwacci, “Gimiti oyot twatwal pi karama ma Esta oyubo piri.”