Ejira 7 - Acoli Baibul

Ejira ki lwakke guo i Jerucalem

¹ Lacen ki i ne lok man, ma onoŋo Aritakcec kabaka me Percia aye loyo lobo, Ejira yam oa ki i lo bo Babilon ocito i Jerucalem. En yam obedo wod pa Ceraya, wod pa Ajaria, wod pa Ilkia,

² wod pa Calum, wod pa Jadok, wod pa. Akitub,

³ wod pa Amaria, wod pa Ajaria, wod pa Merayot,

⁴ wod pa Jerakia, wod pa Uji, wod pa Buki,

⁵ wod pa Abicua, wod pa Finekaci, wod pa Eleajar, wod pa Aron ajwaka madit.

⁶ En aye Ejira ma yam obedo karan dok laryeko i cik pa Moses ma con Rwot Lubaŋa pa Icrael omiyo ki Moses; kabaka omiye jami ducu ma yam en olego, pien Rwot Lubaŋane onoŋo tye ka konye,

⁷ Jo ma gucito kwede i Jerucalem bene i mwaka me abiro me loc pa Aritakcec, obedo ajwagi ki Lulevi, luwer, lugwok-doggola, ki lutic i ot pa Lubaŋa.

⁸ En oo i Jerucalem i dwe me abic, me mwaka me abiro me loc pa kabaka.

⁹ Gua woko ki i lobo Babilon i nino dwe acel me dwe me acel bene, ci guo i Jerucalem i dwe me abic ninone acel, pien Rwot Lubaŋane onoŋo tye ka konye.

¹⁰ Ejira yam oketo cwinye ka kwano ki niaŋ cik pa Rwot, kun tiyo, lubo, dok pwonyo cikke ki gin ma en ociko ducu bot jo Icrael.

Lok ma kabaka Aritakcec ocwalo bot Ejira

¹¹ Man aye kopi me waraga ma kabaka Aritakcec yam omiyo bot ajwaka Ejira, ma lapwony-cik pa Lubaŋa, dano ma opwonnye i tyen lok me cik pa Rwot ki cik ma en ociko pi jo Icrael:

¹² ni, “An Aritakcec kabaka ma loyo luker ducu, amiyo waraga man bot ajwaka Ejira, ma lapwony-cik pa Lubaŋa me polo.

¹³ An kombeddi amiyo twero ni dano mo keken ki i kom jo Icrael nyo ajwagigi nyo Lulevigi ma gitye i te locca ma oye mine kene me cito i Jerucalem, myero ocit kacel kwedi.

¹⁴ An kabaka kacel ki lumi-tam ma mera abiro aye wacwalli wek icipeny lok ma tye i Juda ki i Jerucalem, me neno kit macalo cik pa Lubaŋawu, ma yam omiyo i ciŋini, gitye ka lubone kwede.

¹⁵ Myero iter ryal ki jabu ma an kacel ki lumitamma wamiyo ki yomcwiny me atyera bot Lubaŋa pa Icrael, ma ode tye i Jerucalem.

¹⁶ Dok bene myero iter ryal ki jabu ma in icoko ki i lobo Babilon ducu, ki gityer ma ic opwoyo ma jo Icrael kacel ki ajwagi gumiyo, ma gukwoŋo kwoŋ me miyo gin mo kit macalo cwiny dano acel acel omito pi ot pa Lubaŋagi ma tye i Jerucalem,

¹⁷ Doŋ myero igwokke iti ki lim man maber me wilo twoni dyaŋi, nyogi romi, ki gityer me moko kwon ki koŋo vino, ka icak tyerogi i kom keno tyer ma i ot pa Lubaŋawu ma tye i Jerucalem.

¹⁸ Dok in ki utmegi wutwero tic ki ryal ki jabu mogo ma odon kit macalo wuneno ni ber, kun wulubo cik pa Lubaŋawu,

¹⁹ Dok myero iter lwak jami tic ma gimiyo boti me tic kwedgi i ot pa Lubaŋa-ni, ibiterogi ducu i nyim Lubaŋa me Jerucalem.

²⁰ Ka tye gin mo mukene ma mitte pi ot pa Lubaŋawu, ma myero in inoŋ, ci itwero wilone ki lim ma gikwanyo ki i ot kano lim pa kabaka.

²¹ “An kabaka Aritakcec, amiyo twero bot lukan lim ducu ma gitye i lobo me Loka Kulu ni, Gin ducu ma ajwaka Ejira, ma lapwony-cik pa Lubaŋa me polo, bimito ki botwu, myero wumi bote oyotoyot ki mitkom,

²² ma welle pe kato talanta me ryal miya acel, guniya nano miya adek, ki koŋo vino debe miya aryo, ki debe me moo miya aryo, ki kado ma welle pe ginyuto,

²³ Gin ducu ma Lubaŋa me polo ociko, wuti kakare kikore i tic i kom ot pa Lubaŋa me poto, wek akemo pe omake i koma ki i kom jo ma bibedo i loc i anyim ki i neya.

²⁴ Dok bene wagenowu ni pe myero wujog lim me mucoro mo ki bot ajwagi, Lulevi, luwer, lugwok-doggola, ki lutic ma gitiyo i ot pa Lubaŋa, nyo lutic mukene ma gitiyo i ot pa Lubaŋa.

²⁵ “In, Ejira, ti ki ryeko ma Lubaŋani omiyi, ket luŋolkop madito ki luŋolkop matino wek gubed ka ŋolo kop pa lwak ducu ma gibedo i lobo me Loka Kulu; myero gubed jo ma ŋeyo cik pa Lubaŋawu. Jo ma pe giŋeyo cik pa Lubaŋawu, in ipwonygi wek guŋe.

²⁶ Ka ce ŋat mo pe bilubo cik pa Lubaŋawu kacel ki cik me lobona, myero gimiye pwod magwar, macalo kop me to, nyo kop me ryeme woko ki i lobo-ni, nyo me yako jamine woko, nyo pi tweyo en i mabuc.”

Ejira opako Lubaŋa

²⁷ Gipwo Rwot, Lubaŋa pa kwarowa! En aye muketo gin maca lo man i cwiny kabaka, pi deyo ot pa Rwot ma i Jerucalem maber.

²⁸ Dok onyuto bota mar mere ma pe lokke i nyim kabaka kacel ki lumi-tamme ducu, ki i nyim ludito ma gin twoni oteka pa kabaka. Abedo ki tekcwiny pien Rwot Lubaŋana onoŋo tye ka konya dok abito ludito wi kaka pa jo Icrael adwogo kacel kwedgi.