Ejekiel 9 - Acoli Baibul

Ejekiel neno ka Rwot keto can i kom lubalo’ ma i Jerucalem

¹ Lacen awinyo Lubaŋa odaŋŋe ki dwan maloŋo kun wacci, “Wunyik cok, wun lunek ma wumito keto can i kom lubalo ma i gaŋ man. Wun ducu wukwany jami Lwenywu wubin kwede kun wumako i ciŋwu.”

² Cutcut jo abicel gubino ki i dog gaŋ ma malo ma tye yo tuŋ acam me ot pa Rwot; dano acel acel omako jami lwennye me nek i ciŋe, Dano mo bene ma oruko boŋo camanini owoto kacel kwedgi, en owoto ki gin mo ma eromo coc kwede. Gin ducu gudonyo i dyekal me ot pa Rwot ci gucuŋ i ŋet keno tyer me mola.

³ I kare-nu onoŋo deyo pa Lubaŋa pa Icrael ma ryeny twatwal-li oa woko ki i kom lukerubi ka ma yam en bedo iye kun kato ocuŋ i doggola me ot pa Rwot; ci Rwot olwoŋo dano ma oruko boŋo camaniŋi-ni, ma onoŋo owoto ki gin me coc i laknete-ni.

⁴ Rwot owacce ni, “Cit iwok ki i dye gaŋ me Jerucalem ducu, ci iket lanyut i tur nyim dano acel acel ma tye ki cwercwiny me can kun gicur pi gin me kwer ducu ma gitye ka timone i gaŋ me Jerucalem.”

⁵ Awinyo bene ka Lubaŋa waco bot jo mukene ca ni, “Wulub kore kun wuwok ki i dye gaŋ ci wunek dano. Pe wupar pi ŋat mo, dok bene kica pe omakwu i kome.

⁶ Wunek jo muti, awobe, anyira, mon ka litino matino, ento pe myero wugud kom ŋat ma doŋ gityeko keto lanyut i kome. Wucak ki kany ki i kabedona maleŋ.” Ci gucako ki ludoŋo ma onoŋo gucuŋ kunnu i ot pa Rwot.

⁷ Lubaŋa owaco botgi ni, “Wubal ot pa Rwot woko. Wupoŋ dyekalle-gu ducu ki kom jo ma ginekogi-ni. Wucit mewu anyim.” Guwoto gucito anyim, ci gucako neko dano ma gitye i gaŋ.

⁸ I kare ma gitye ka neko dano, an doŋ onoŋo adoŋ kena. Apoto piny i ŋom aryeba ic, ci akok ni, “Ai Rwot Lubaŋal Akemo doŋ omaki twatwal i kom Jerucalem mumiyo icito ka neko jo ducu liweŋ ma gudoŋ i Icrael-li?”

⁹ Lubaŋa ogamo ni, “Jo Icrael ki jo Juda gutimo bal madito maraco adada. Gubedo ka neko dano i kabedo ducu ma’ i lobo igumiyo ŋolo kop ma pe atir: omedde onya i Jerucalem. Giwacci, ‘Rwot doŋ obwoto lobo man woko, dok Rwot bene pe neno.’

¹⁰ Doŋ ki tuŋ bota, pe abiparo pigi, kica bene pe bimaka, i komgi, ento abiculo kwor i komgi pi gin ducu ma yam gin gutimo.”

¹¹ Cutcut dano ma onoŋo oruko boŋo camanini, ma tye ki gin me coc i laknete-ni odwbko lok bot Rwot kun wacci, “Doŋ atyeko tiyo gin ma onoŋo icika ni acitim.”