Ejekiel 26 - Acoli Baibul

Lok i kom Turo

¹ I kom nino dwe mukwoŋo i mwaka me apar wiye acel, Rwot oloko kweda.

² Owacci, “Wod pa dano, kit macalo jo Turo giloko lok i kom Jerucalem ni, ‘Iyoya, dogcel pa lurok doŋ gituro woko, ma doŋ owirre oyabbe woko botwa-ni, doŋ abidoko lalonyo, pien doŋ gityeko balone woko,’

³ pi meno Rwot Lubaŋa owaco kuman ni, Nen, atye ki lok i komwu, wun jo Turo, abikelo jo me rok mapol ka lweny i komwu, kit macalo pii biamwonyi me nam twagge kwede-ni.

⁴ Gibimu-ko cel me Turo gireto wo ko piny, ki lubelene gibituro gireto woko bene piny, Abiyweyo ŋomme woko ducu ci aweko got keken aye doŋ.

⁵ En bibedo wa i dye nam macalo kabedo ka ma lumakrec gimoyo iye obwogi. Pien an Rwot Lubaŋa doŋ atyeko loko. Lurok doŋ gibiyako Turo woko,

⁶ dok bene gibineko jone ma gibedo i lobone kikome woko liweŋ ki pala lucwan. Man bimiyo giŋeyo ni an aye a Rwot.”

⁷ Rwot Lubaŋa owaco ku man ni, “Abikelo kabaka matek makato luker ducu, en aye Nebukadnejar kabaka me Babilon, ka lweny i kom Turo, En bibino ki lwak aguragura, gadigadi lweny, wegi aguragura, ki dul mony ma tye iye askari mapol.

⁸ Jo ma bedo i gaŋi ma tye i wi tura gibinekogi woko i lweny. Ci lumerok doŋ gibigero cel girumowu kwede woko, dok bene gibitoro cel lobo i nyimwu, ka doŋ gibibino ma gutiŋo kwotgi ci giumo komgi kwede woko.

⁹ En bitworo celwu ki twor latwom cel, ci bitcno lubele ki latoŋŋe reto woko piny.

¹⁰ Aguragurane bibedo pol atikatika ma apwa tyengi biboyowu woko. Doŋ woo pa wegi aguragura ki mor pa gadigadi ma otino yec, ki lwak gadigadi lweny, biyeŋo celwu i kare ma noŋo gidonyo i dogcelwu macalo ŋat mo ma donyo i gaŋ ma doŋ mony oturo celle woko.

¹¹ Wegi aguragura biriŋo ki aguragura ki i yowu ducu, gibineko danowu woko ki pala lucwan. Gibireto wirwu matek-gu poto woko piny i ŋom,

¹² Gibiyako lonyowu ka gicoko jami acatawu. Gibimuko celwu gireto woko piny, dok bene gibibalo odiwu mabeco ma yomo cwinywu-ni woko. Gibikwanyo gweŋ, bao ki ŋom ma wuyubo pi gedo, gibolo woko i pii wa i dye namo

¹³ Abijuko wer ducu ma gigoyogi agoya, ki dwan opuk ma gigoyo bene doŋ pe biwinnye matwa!.

¹⁴ Abimiyo in Turo doŋ idoko kabedo me moyo obwo pa lumak-rec ma ayweyo ŋomme woko ducu ci aweko got keken aye doŋ. Gaŋ man doŋ pe gibigero odoco matwal. An Rwot doŋ atyeko loko.” Man Rwot Lubaŋa ma owaco.

¹⁵ Rwot Lubaŋa owaco lok i kom gaŋ me Turo kuman ni, “I kare ma noŋo gitye ka monyi, jo ducu ma gibedo i dog nam gibibedo ki lworo madwoŋ pi cur pa joni ma gunoŋo ret ka doŋ ginekogi.

¹⁶ Ci rwodi ducu me dog nam gibilor woko piny ki i wi komkergi, gibilunyo jorgi ki boŋŋigi ma gidero maber, ka doŋ gibedo piny i ŋom ki myelkom. Gibibanne woko ki lworo pi can ma opoto i komgi, miyo komgi bedo ka myel amyela i cawa ducu,

¹⁷ Gibicako wer lyel i komi kun giwero ni, ‘In doŋ irwenyo woko matwal ki i nam niŋniŋ! In gaŋ ma yam iywek twatwal-li, ma onoŋo itek twatwal i kom nam-mi, in kacel ki jo ma gibedo i ii, ma ikelo lworo madwoŋ i kom jo ducu ma gibedo i dog nam!

¹⁸ I nino ma ipoto iye-ni kikome, cula ducu guyeŋŋe; ada, gin cula ma gitye i dye nam-mi, jo ma bedo i igi cwinygi oballe woko.’ ”

¹⁹ Rwot Lubaŋa owaco kuman ni, “Abimiyo in Turo iballe woko calo gaŋi ma dano pe bedo i igi. Dok bene abikelo pii aumi kwede woko miyo imwony woko ka matut i nam

²⁰ Ci abiboli piny i bur lyel kacel ki jo ma cito i lobo pa io muto, me bedo kunnu kacel ki jo ma yam gubedo i lobo i kare ma con twatwal. Abimiyo ibedo i lobo ma i te ŋom i kin obur ma ori twatwal, kun noŋo it ye ka bedo kacel ki jo muto. Dano pe dok bibedo i ii dok bene pe ibinoŋo kabedo mo i lobo pa jo makwo.

²¹ Abimiyo itum woko i yo ma kelo lworo, ibirwenyo matwal; kadi bed giyenyi, pe gibinoni.’ Man Rwot Lubaŋa ma owaco.