Daniel 4 - Acoli Baibul

Nebukadnejar odoko lapoya

¹ An kabaka Nebukadnejar acoyo lok man botwu, wun lwak me rok ducu, nyo rok ducu mapatpat, ki jo ma loko Leb mapatpat, ma wubedo i wi lobo ducu, Awaco botwu ni, Kuc omedde madwoŋ botwu!

² Onoŋo onen ber ki tuŋ bota ka anyuto lanyut mogo ki taŋo mogo ma Lubaŋa Mamalo Twal otyeko tiyo i koma,

³ Lanyut ducu ma en onyuto-ada dit rom mene, ki tano ma en otiyo tekke rom mene! Kerre en aye ker ma ri nakanaka ki locce bene bedo i kare pa yalwak ducu.

⁴ An Nebukadnejar onoŋo yam abedo mot i oda ma piny okwe, dok abedo ki gum me noŋo lonyo madwoŋ ki i gaŋ kaila.

⁵ I kare ma abuto i wi kitanda aleko lek ma omiya lworo marac; dok ginanyuta mogo obino i wiya omiyo apo woko lirikrik.

⁶ Pi meno omiyo aketo cik ma wacci myero gikel luryeko ducu ma i Babilon i nyima, wek gumiya aŋe tyen lok me lek ma aleko-ni.

⁷ Cutcut lutyet ki lukor tipo, Lukaldaya ki jo ma tyeto lok kom lakalatwe gubino gudonyo bota; ci atito botgi lek ma aleko-ni, ento pe gutwero gonnya te lekke.

⁸ Lacen i agikkine Daniel obino odonyo ocun i ima, en ŋat ma nyiŋe mukene gilwoŋo Beltecajar-ni, macalo nyiŋ lubaŋana, en dano ma cwiny pa lubaŋa maleŋ bedo i iye, ci atito bo te lek ma aleko kun awa cecni,

⁹ “In Beltecajar, ladit ma loyo lutyet ducu, doŋ atyeko ŋeyo ni cwiny pa lubaŋa maleŋ-gu bedo i ii, dok aniaŋ ni pe tye muŋ mo mukanne ma nyutone woko ka maleŋ tek ki boti. Lek ma onoŋo aleko-ni en ene; gonnya te lokke.

¹⁰ Ginanyuta mubino i wiya i kare ma abuto i wi kitanda gin ene: nen, aneno yat mo ma Ocuŋ i dye lobo; maber mukato kare woko.

¹¹ Yat tu odoŋo ci odoko tek, ki wiye bene ogudo polo, dok onoŋo nen woko liweŋ ki i agikki lobo ducu.

¹² Pote ducu onoŋo nen mabeco, ki nyige bene onoŋo pol mada, obedo cam ma yam gin makwo ducu camo. Lee ducu me tim giywe i te tipone, ki winyo me polo bene gibedo i jaŋe ducu, doŋ gin makwo ducu gikwo pi camo nyige,

¹³ “I kare ma abuto i wi kitanda dok ginanyuta mogo obino i wiya, ci aneno lakur-piny mo maleŋ, ma olor piny oa ki i polo.

¹⁴ Odaŋŋe matek kun waco ni, ‘Toŋ yat meno iret woko piny, ci itoŋ jaŋe bene woko ducu, ka ilwer pate woko ducu, dok iket nyige woko atata; wek lee gua ki i tere gurin woko, ki winyo bene gua woko ki i jaŋe,

¹⁵ Ento myero iwek ajutte ki lwite mucuŋ i ŋom-mi, ci itwe ajutte woko ki rubota nyonyo, ki mola, obed i dye lum alita i tim. Wek toyo ma a ki i polo odyak kome woko, dok wek obed i kin lee ma gibedo i lum i lobo.

¹⁶ Wek gilok tamme woko ki i tam pa dano, ci gimiye obed ki tam pa lee; wek ori mwaka abiro.

¹⁷ Lukur-piny aye gumoko lok man, kun gulubo lok pa jo maleŋ, wek i agikkine omi gin makwo ducu guŋe ni, Ŋat Mamalo Twal aye ma loyo ker pa dano, dok tye kt twero me miyone bene bot ŋat ma en mito, kun keto kadi wa dano ma rwomgi piny adada me loyo lwak.’

¹⁸ Man aye lek ma an kabaka Nebukadnejar aneno. Doŋ kombeddi Beltecajar, myero ituc te lok me lek man, pien luryeko ducu ma gitye i te kerra pe gutwero gonyo te lek man bota, ento in itwero, pien cwiny pa lubaŋa maleŋ-gu bedo i ii,”

¹⁹ Daniel ma nyiŋe mukene Beltecajar koŋ dok cwinye oballe woko pi cawa mo manok, ki tamme ducu opoyo tipo kome woko. Ci kabaka owacce ni, “Beltecajar, pe iwek lek man nyo gonyo tere opo tipo komi.” Beltecajar odokke iye ni, “Rwoda, lek man myero obed pi jo ma gidagi, ki te lokke bene obed pilukworri!

²⁰ Yat ma onoŋo ineno ma odoŋo odoko matek, ma wiye ogudo polo, ma onoŋo nen wa ki i agikki lobo ducu-ni,

²¹ ma pote ducu onoŋo nen mabeco ki nyige bene onoŋo pol mada, obedo cam ma yam gin makwo ducu camo, ma lee ducu me tim giywe i te tipone, ki winyo me polo bene gibedo i, jaŋe ducu,

²² en aye in kabaka ma doŋ idoŋo idoko tek. Ditti bene doŋ odoŋo oo wa i polo, ki locci bene oyarre oo wa i agikki lobo.

²³ Onoŋo kabaka mere oneno lakurpiny, ma en ŋat maleŋ-ui, ka oa ki i polo lor piny kun wacci, ‘Toŋ yat meno iret woko piny, ci ibal woko, ento wek ajutte ki lwite mucuŋ i ŋom-mi, ci itwe ajutte woko ki rubota nyonyo, ki mola, obed i dye lum alita i tim. Wek toyo ma a ki i pol odyak kome, dok wek obed mere i kin lee ma gibedo i lum i lobo, nio Waŋ ma mwaka abiro okato.’

²⁴ Man aye te lok me lekke, ai kabaka: Man aye cik pa Ŋat Mamalo Twal, ma obino i kom rwoda kabaka,

²⁵ man nyuto ni gibiryemi woko ki i kin dano, doŋ ibibedo kacel ki lee me tim; gibimiyo icamo lum calo twon, dok toyo ma a ki i polo bene bidyako komi woko, ci ibiri mwaka abiro, nio wan ma iŋeyo ni ŋat Mamalo Twal aye loyo ker pa dano, dok en tye ki twero me miyone bot ŋat ma en mito.

²⁶ Kit macalo onoŋo giciko ni giwek ajut yat ki lwite, ada ker bibedo meri matwal cakke i kare ma in doŋ iŋeyo kwede ni Polo aye laloc.

²⁷ Pi meno in kabaka, myero iye tamma-ni; nut iwek balli woko ducu ci icak bedo ki kwo ma atir, kun iweko balli kitimo kica bot jo ma giunogi, wek gwok nyo kare me locci ibimedde ki bedo ki kuc ki yweyo muromo.”

²⁸ Lok magi ducu otimme i kom kabaka Nebukadnejar,

²⁹ I ne dwe apar wiye aryo kabaka doŋ onoŋo tye ka wot i wi ot me gaŋ kal me Babilon,

³⁰ ci en kabaka owacci, “Man aye pe Babilon madit-ti, ma an aye agero ki tek me twerona wek obed gaŋ me bedo pa luye, ki pi deyo me ditta?”

³¹ I kare ma kabaka pud tye ka lok, dwan oa ki i polo ma wacci, “Ai kabaka Nebukadnejar, lok man giwaco boti ni, ker doŋ gikwanyo woko ki boti,

³² dok gibiryemi woko ki i kin dano, doŋ ibibedo kacel ki lee me tim; gibimiyo icamo lum macalo twon, pi mwaka abiro, nio waŋ ma ipwonnye ni Dat Mamalo Twal aye ma lo yo ker pa dano, dok tye ki twero me miyone bene bot ŋat ma en mito.”

³³ Oyotoyot lok man ocobbe kakare i kom Nebukadnejar. Ci cutcut giryeme woko ki i kin dano, ocako camo lum calo twon, ki toyo ma oa ki i polo bene odyako kome woko nio waŋ ma yer kome ducu olot maboco macalo yec kom ocur, ki lwete bene olot maboco calo Lwet winyo.

³⁴ I agikki me kare meno ducu, an Nebukadnejar, ailo waŋa aneno polo, ci tipo koma ocako dwogo, omiyo apwoyo En ŋat Mamalo Twal mada, ka dok apake kun aketo deyo i kome en ma bedo kwo nakanaka-ni. Locce bedo matwal, ki kerrebene bedo i kare pa yalwak ducu;

³⁵ jo ducu ma bedo i lobo bene gin pe gin mo; en tiyo gin ma cwinye mito i mony me polo ki i kin jo ma bedo i lobo bene; ŋat mo pe ma twero juke, nyo ma twero wacce ni, “Itimo aŋo?”

³⁶ I kare meno kikome bene en aye tipo koma ocako dwogo kwede ki deyo me kerra, ki ditta ki berra ducu odwogo i koma. Lumi-tamma ki luye mera guyenya, ci gidwoka dok i kerra, ki dit mukene makato dok gimedo bota.

³⁷ Mumiyo kombeddi an, Nebukadnejar, apako, adworo dok aworo Kabaka me polo; pien ticce ducu tye atir, ki kwo me bedone ducu tye atir; jo ma luwakke en twero kwanyogi ci dwoko rwomgi woko piny.