Daniel 3 - Acoli Baibul

Lubaŋa olaro Cadrak, Mecak ki Abednego ki i mac mutwak malyet

¹ Kabaka Nebukadnejar otiyo cal lubaŋa ki jabu; borre obedo futi pyeraboŋwen ki lacce futi aboŋwen Ci ocibo ocuŋ i bar me Dura, i lobo Babilon.

² Cutcut kabaka Nebukadnejar ocwalo lok me lwoŋo luloyo madoŋo, ludito pa lwak, ki luloc me dul lobo mapatpat, lumi-tam, lugwok-lim, luŋolkop madito ki matino, ki ludito ducu me dul lobo mapatpat, gubin ka kwero cal lubaŋa ma kabaka Nebukadnejar yam otiyo ocibo ocuŋ likuŋ-ŋi,

³ Lacen luloyo madoŋo, ludito pa lwak, ki luloc me dul lobo mapatpat, lumitam, lugwok-lim, luŋolkop madito ki matino, ki ludito ducu me dul lobo mapatpat gucokke kacel ka kwero cal lubaŋa ma kabaka Nebukadnejar otiyo ci ocibo ocuŋ likuŋ-ŋi; ci gin ducu gucuŋ i nyim cal lubaŋa ma Nebukadnejar ocibo-ni,

⁴ Gicwalo kwena ki lok ma winnye maloŋo bot lwak ducu ni, “Wun lwak me rok ducu, ki rok ducu mapatpat, gicikowu ducu ni,

⁵ ka wuwinyo bila nyo obute okok, lwere ma gikuto, opuk, aduŋu, naŋa ki nyamulere-gu, ki kit wer ducu ma gigoyo, myero wun ducu wuryebbe piny wuwor cal lubaŋa man me jabu ma kabaka Nebukadnejar otiyo ci ocibo ocuŋ likuŋ-ŋi.

⁶ Doŋ ŋat mo ma pe biryebbe pmy ka woro cal lubaŋa man, gibimake woko oyot gibole i ruk mac mukur malyet-ti.”

⁷ Pi meno, i kare ma lwak me rok ducu guwinyo koko bila, koko nyamulere, ki koko opuk, ki adunu, nana, obute, ki kit wer ducu mapatpat ma gigoyo agoya, ci lwak me rok mapol, rok ducu mapatpat, ki jo ma loko leb mapatpat ducu guryebbe piny guworo cal lubaŋa me jabu ma kaba ka Nebukadnejar otiyo ci ocibo ocuŋ likuŋ-ŋi.

⁸ I kare meno jo Kaldaya mogo ma onoŋo gitye ki tam maraco gutyerre ka maleŋ, gucako doto Lujudaya.

⁹ Guwaco bot Nebukadnejar ni, “In kabaka myero ibed kwo nakanaka!

¹⁰ In kabaka, onoŋo doŋ ityeko keto cik ni, ka dano ducu guwinyo koko bila, koko nyamulere, ki koko opuk, ki aduŋu, naŋa, obute, ki kit wer ducu mapatpat ma gigoyo agoya, ci guryebbe piny ka woro cal lubaŋa me jabu;

¹¹ doŋ ka dano mo pe biryebbe piny ka worone, gibimake woko oyot gibole woko i ruk mac mukur malyet-ti.

¹² Ento tye Lujudaya magi, Cadrak, Mecak ki Abednego ma iyerogi iketogi me bedo ludito ma loyo lwak dok ma neno lok ducu ma timme i lobo Babilon. Ai kabaka, jo magi adek-ki pe gilubo cikki wacel. Pe giworo lubaŋani, dok bene pe giworo cal lubaŋa me jabu ma itiyo ci ici bo ocuŋ likuŋ-ŋi.”

¹³ Cutcut kiniga omako Nebukadnejar woko, omiyo ociko ki keccwiny ni myero gicikel Cadrak, Mecak ki Abednego koŋ bote. Ci gicito gikelo jo magi adek-ki i nyim kabaka.

¹⁴ Ci cutcut Nebukadnejar openyogi ni, “Lok ma gititta-ni mono ada, ni, wun Cadrak ki Mecak ka Abednego, pe wuworo lubaŋana, dok bene pe wuworo cal lubaŋa me jabu ma an aye atiyo ci acibo ocuŋ Iikun-ni?

¹⁵ Ka ce kombeddi doŋ wuwinyo koko bila, ki koko nyamulere, ki koko opuk, ki aduŋu, naŋa, obute ki kit wer mapatpat ma gigoyogi agoya, ka wuyubbe dok wuye me ryebbe piny ka woro cal lubaŋa man ma an aye atiyo-ni, ci noŋo ber adada; ento ka ce pe wuworo, ci gibimakowu oyotoyot laboŋo galle, gibolowu woko i ruk mac mukur malyet-ti; ci lubaŋa mene ma bilarowu kwanyowu woko ki i ciŋa-ni?”

¹⁶ Pi meno, Cadrak, Mecak ki Abednego gugamo lok gudok iye ki kabaka ni, “Ai Nebukadnejar, pe wamito walok boti gin mo pi lok man,

¹⁷ Ka lok doŋ tye kumeno, ci Lubaŋawa ma waworo-ni bitwero larowa ki i ruk mac mukur malyet-ti; dok en bene bilarowa kwanyowa woko ki i ciŋi, in kabaka,

¹⁸ Ento ka ce pe, myero in kabaka iŋe maber ni, wan pe wabiworo lubaŋani dok pe wabiworo cal lubaŋa me jabu ma itiyo ci ici bo Ocuŋ likuŋ-ŋi.”

¹⁹ Cutcut akemo mager omako Nebukadnejar woko, omiyo waŋe bene olokke wo ko mapat i kom Cadrak, Mecak ki Abednego. Oyotoyot ociko ni gimed mac olyetti tyen abiro kulu makato kit munoŋo lyet kwede wi ati ca,

²⁰ Ka doŋ ociko jo mogo ma gin twoni oteka ma gitye i dul monnye ni gutwe Cadrak, Mecak ki Abednego woko, ci gubolgi i ruk mac mukur malyet.

²¹ Ci gutweyo jo-nu woko ma onoŋo gitye ki ginaruka magi i komgi, jor, kanyi, tok me wigi, ki boŋŋigi mu kene ducu, gibologi kwede woko ducu i ruk mac mukur malyet-ti.

²² Cik pa kaba ka onoŋo obedo gwa matek, ki ruk mac bene onoŋo doŋ odoko lyet matek, ma leb macce ma lyel bene oneko jo meno ma gutero Cadrak, Mecak ki Abednego ka bologi woko i mac.

²³ Jo magi adek-ki, Cadrak, Mecak ki Abednego, gibologi gupoto wa i dye ruk mac ma doŋ gitweyogi woko gulugulu.

²⁴ Lacen kabaka Nebukadnejar obedo ki ur madit omiyo oa malo oyotoyot, Ci openyo lumi-tamme ni, “Pe wabolo jo adek i mac ma onoŋo doŋ gitweyogi woko?” Gudokke iye ni, “Ada, kabaka, iloko kakare.”

²⁵ Kabaka dok ogamo kun wacci, “Ento kombeddi atye ka neno jo aŋwen ma pe gitweyogi gitye ka wot awota i dye mac, kun mac bene pe waŋogi; dok aneno dano me aŋwenne-ni nen calo lubaŋa mo.”

²⁶ Ci Nebukadnejar obino onyiko cok ki doggola me kabedo ka ma ruk mac tye ka lye iye-ni, ci owacci, “Cadrak, Mecak ki Abednego, wun lutic pa Lubaŋa Mamalo Twal, wukatti woko, wubin kany!” Cutcut Cadrak, Mecak ki Abednego gukatti woko ki i mac,

²⁷ Ci luloyo madoŋo, ki ludito pa lwak, ki luloc me dul lobo mapatpat kacel ki lumi-tam pa kaba ka gucokke kacel, ci guneno ni mac pe owaŋo jo-nu; yer wigi mo ma mac oroyo pe tye, ginarukagi bene mac pe ogudo, dok ŋwec mac bene obedo pe i komgi.

²⁸ Mumiyo Nebukadnejar otuggi wacci, “Gipwo Lubaŋa pa Cadrak, ki Mecak ka Abednego ma ocwalo lamalaika ci olaro luticce woko, ma gigeno en, ma gubalo bene cik pa kabaka woko, gudyero kwogi me to ma ka woro lubaŋa mo ata ma pe Lubaŋagi kikome.

²⁹ Pi meno doŋ aketo cik kombeddi ni, Lwak me rok ducu nyo rok ducu mapatpat, nyo leb mo ma biloko lok mo marac i kom Lubaŋa pa Cadrak, Mecak ki Abednego gibiŋidogi wo ko matitino, ki odigi bene gibimuko woko doŋ obur; pien doŋ pe tye lubaŋa mo mukene ma twero laro dano kit man,”

³⁰ Mumiyo kabaka ocako medo rwom me tic pa Cadrak, Mecak ki Abednego i lobo Babilon.