Acakki 36 - Acoli Baibul

Likwayo pa Ecau

¹ Man-aye likwayo pa Ecau, en Edom.

² Ecau onyomo anyira Kanaan: Ada nya pa Elon Lakit, Okolibama nya pa Ana, wod pa Jibeon Lakiv,

³ ki Bacemat nya pa Icmael, lamin Nebayot,

⁴ Ada onywalo ki Ecau Erifaji; Bacemat onywalo Reuel;

⁵ ki Okolibama onywalo Jeuc, Jalam ki Kora; meno aye litino awobe ma ginywalo ki Ecau i lobo Kanaan.

⁶ Ecau otero monne ki litino awobene ki anyirane, ki lwak jo ducu ma en tye kwede, ki limme, lee mere ducu ki lonyone ducu ma olimogi ki i lobo Kanaan, odak kwedgi i lobo mukene kun opokke ki ominne Yakobo.

⁷ Onoŋo gin ducu gitye ki lim madwoŋ, ma pe doŋ romogi bedo kacel: pien lobo ma onoŋo gibedo iye pe romo me kwayo limgi,

⁸ Omiyo Ecau odak obedo i lobo godi me Ceir; Ecau en aye Edom.

⁹ Likwayo pa Ecau won jo Edom ma i lobo godi me Ceir gin ene.

¹⁰ Man aye nyiŋ litino awobe pa Ecau: Erifaji wod pa Ada ma, dako pa Ecau, ki Reuel wod pa Bacemat dako pa Ecau.

¹¹ Litino awobe pa Erifaji gin Teman Omar Jepo, Gatam ki Kenaj.

¹² Timna yam en dako pa Erifaji, wod pa Ecau, ma aŋeca; onywalo Amalek ki Erifaji. Man gin aye litino awobe pa Ada, dako pa Ecau.

¹³ Man gin aye litino awobe pa Reuel: Nakat, Jera Cama ki Mija. Man aye litino awobe pa Bacemat dako pa Ecau,

¹⁴ Man aye litino awobe pa Okolibama nya pa Ana wod pa Jibeon, dako pa Ecau; onywalo ki Ecau awobe magi: Jeuc, Jalam ki Kora.

¹⁵ Magi aye litino awobe pa Ecau ma rwodi. Litino awobe pa Erifaji latin ka yo pa Ecau gin ene: rwot Teman rwot Omar, rwot Jepo, rwot Kenaj:

¹⁶ rwot Kora, rwot Gatam rwot Amalek; magi aye rwodi pa’ Erifaji ma i lobo Edom; gin aye awobe pa Ada,

¹⁷ Magi aye litino awobe pa Reuel wod pa Ecau: rwot Nakat, rwot Jera rwot Cama ki rwot Mija; meno aye ‘rwodi pa Reuel ma i lobo Edom; gin aye litino awobe pa Bacemat, dako pa Ecau,

¹⁸ Magi aye litino awobe pa Okilibama dako pa Ecau: rwot Jeuc rwot Jalam ki rwot Kora: meno gin aye rwodi ma Okolibama nya pa Ana, dako pa Ecau, onywalo.

¹⁹ Gin aye litino awobe pa Ecau, en aye Edom; meno aye gin rwodigi.

Likwayo pa Ceir

²⁰ Magi aye awobe pa Ceir Lakori, ma gin wegi lobo-nu: Lotan, Cobal, Jibeon, Ana,

²¹ Dicon, Ejer ki Dican; magi aye rwodi pa jo Kori, litino awobe pa Ceir ma i lobo Edom.

²² Litino awobe pa Lotan gin aye Kori ki Eman; ki lamin Lotan en Timna.

²³ Magi aye litino awobe pa Cobal: Alvan, Manakat, Ebal, Cepo ki Onamo

²⁴ Magi aye litino awobe pa Jibeon: Aiya, ki Ana; en aye Ana ma yam onoŋo waŋ pii amuro ma tye i tim, i kare ma en tye ka kwayo lwak kana pa wonne Jibeon.

²⁵ Magi aye Ilitno pa Ana: Dicon ki Okolibama, nya pa Ana.

²⁶ Magi aye litino awobe pa Dicon: Kemdan, Eciban, Itran ki Keran.

²⁷ Magi aye litino awobe pa Ejer: Bilan, Jaavan ki Akan.

²⁸ Magi aye litino awobe pa Dican: Uj ki Aran.

²⁹ Magi aye rwodi pa jo Kori: rwot Lotan, rwot Cobal, rwot Jibeon, rwot Ana,

³⁰ rwot Dicon, rwot Ejer ki rwot Dican; meno aye rwodi pa jo Koti, kit ma calo kakagi tye kwede i lobo Ceir.

Luker pa jo Edom

³¹ Magi aye luker ma guloyo lobo Edom, ma onoŋo pud peya kabaka mo oloyo jo Icrael.

³² Bela wod pa Beor onoŋo loyo Edom, nyiŋ gaŋ kalle gilwoŋo ni Dinkaba.

³³ Ka Bela oto, ci Jobab wod pa Jera me Bojra oleyo ka tyene.

³⁴ Ka Jobab oto, ci Kucam mua ki i lobo pa jo Teman oleyo ka tyene.

³⁵ Ka Kucam oto, ci Adad wod pa Bedad oleyo ka tyene. En con olwenyo, oloyo jo Midian ma gitye i lobo Moab; nyiŋ gaŋ kalle gilwoŋo Avit.

³⁶ Ka Adad oto ci Camla me Macireka oleyo ka tyene.

³⁷ Ka Camla oto, ci Caul me Rekobot ma tye i dog kulu Euprate oleyo ka tyene.

³⁸ Ka Caul oto, ci Baal-kanan wod pa Akbor oleyo ka tyene.

³⁹ Ka Baal-kanan wod pa Akbor oto, ci Kadar oleyo ka tyene; nyiŋ gaŋ kalle gilwoŋo Pau. Nyiŋ dakone Meketabel, nya pa Matred, nya pa Mejakab.

⁴⁰ Magi aye nyiŋ rwodi ma tuŋ bot Ecau, macalo doggolagi tye kwede, ki kabedogi, ma lubo nyiŋgi: rwot Timna, rwot Alva, rwot Jetet,

⁴¹ rwot Okolibama rwot. Ela rwot Pinon,

⁴² rwot Kenaj, rwot Teman, rwot Mibjar,

⁴³ rwot Magdiel ki rwot Iram; magi aye rwodi pa jo Edom, en aye Ecau, ma kwaro pa jo Edom, kit ma yam gibedo kwede i kabedogi, i lobo ma odoko megi.